19.04.2026 | 14:04
Աշտարակ–Գյումրի ճանապարհը կառուցված է․ 84 կմ նոր մայրուղի՝ 19 հանգույցով և անվտանգության չափանիշներով․ ԼՈՒՍԱՆԿԱՐՆԵՐ
Բացարձակ ռեկորդ ենք արձանագրել, 659 հազար աշխատատեղ ենք ունեցել դեկտեմբերին. Փաշինյան․ ՏԵՍԱՆՅՈՒԹ
Հասարակություն
03.02.2022 | 11:31
Հայաստանում 2021 թվականի դեկտեմբերին արձանագրվել է 659471 աշխատատեղ: Այս մասին այսօր Կառավարությա նիստի ընթացքում հայտնեց ՀՀ վարչապետ Նիկոլ Փաշինյանը:
Փաշինյանի խոսքով՝ Երրորդ հանրապետության պատմության ընթացքում, սա բացարձակ ռեկորդ է: «2020 թվականի դեկտեմբերի համեմատ 2021 թվականին աշխատատեղերն ավելի են 37629-ով, 2019-ի համեմատ՝ 30758-ով, 2018 թվականի դեկտեմբերի համեմատ՝ 70977-ով: Այստեղ որևէ թվային մանիպուլյացիա լինել չի կարող, որովհետև այս աշխատատեղերը գրանցված են, այս աշխատատեղերի համար վճարվել է աշխատավարձ: Եթե անհրաժեշտություն լինի, բոլոր աշխատողներին անուն առ անուն կարող ենք նույնականացնել»,- նշեց Փաշինյանը:
Վարչապետը նաև արձանագրեց, որ էական աճ է արձանագրել նաև միջին ամսական աշխատավարձը:
Մասնավորապես, 2021 թվականի դեկտեմբերին միջին աշխատավարձը եղել է 277661 դրամ, ինչը 2020 թվականի դեկտեմբերի համեմատ 30 հազար դրամով կամ 12 տոկոսով ավելի է:
«2021 թվականի ընթացքում հանրապետությունում աշխատող քաղաքացիներին վճարվել է 139 մլրդ 600 մլն դրամ աշխատավարձ, ինչը 2020 թվականի համեմատ ավելի է 15.7 մլրդ դրամով կամ 13 տոկոսով, իսկ 2018 թվականի համեմատ ավելի է 38.7 մլրդ դրամով կամ 8 տոկոսով»,- նշեց Փաշինյանը՝ հավելելով, որ ցածր աշխատավարձով աշխատողների տեսակարար կշիռը նվազել է մոտ 9 տոկոսով 2018 թվականի համեմատությամբ:
Մանրամասները՝ տեսանյութում:
