06.10.2026 | 18:30
Ալեն Սիմոնյանն ընդունել է Հայաստանում դիվանագիտական առաքելությունն ավարտող Լյուքսեմբուրգի դեսպանին
Արարատ Միրզոյանն Անթալիայի ֆորումին կմեկնի՞, թե՝ ոչ. նախարարի արձագանքը․ ՏԵՍԱՆՅՈՒԹ
Քաղաքականություն
03.02.2022 | 11:17
«Ընդհանրապես չլուծված խնդիրների լուծումը և հարաբերությունների կարգավորումը դրական ազդեցություն կթողնեն ողջ տարածաշրջանի վրա և զուգահեռ ընթացող բոլոր գործընթացների վրա, և որքան էլ արժի երևույթները երբեմն առանձին դիտարկել, իհարկե, փոխկապակցվածություն կարող է լինել»,- լրագրողների հետ զրույցում այս մասին հայտարարեց արտաքին գործերի նախարար Արարատ Միրզոյանը` պատասխանելով հարցին, թե արդյո՞ք հայ–թուրքական հարաբերությունների կարգավորումը կնպաստի, որպեսզի հայ-ադրբեջանական սահմանին իրավիճակը փոխվի։
Ինչ վերաբերում է Անթալիայում կայանալիք դիվանագիտական ֆորումին մասնակցելուն` Միրզոյանը նշեց, որ հայկական կողմին ժամկետ չի փոխանցվել, այլ միայն մասնակցության հրավեր։ Նրա խոսքով` ողջամիտ ժամկետներում կտեղեկացնեն հրավիրող կողմին մասնակցել–չմասնակցելու մասին։
Հիշեցնենք՝ Թուրքիայի արտաքին գործերի նախարար Մևլութ Չավուշօղլուն ասել էր, որ մարտի 11-13-ն անցկացվելու է Անթալիայի դիվանագիտական 2-րդ ֆորումը, որին մասնակցելու հրավեր են ուղարկել բազմաթիվ երկրներ, այդ թվում նաև Հայաստանը:
Մանրամասները՝ տեսանյութում:
