01.11.2024 | 23:19
Հրդեհ Գյումրու տներից մեկում
Վերջին 10 տարում անշարժ գույքի առքուվաճառքի ամենաշատ գործարքները գրանցվել են 2021-ին
Տնտեսություն
02.02.2022 | 20:49
Անշարժ հույքի շուկան վերականգնվում է․ նախորդ տարի ռեկորդային թվով առքուվաճառքի գործարքներ են կատարվել վերջին 10 տարում։ Այս մասին տեղեկանում ենք Կադաստրի կոմիտեի հրապարակած տվյալներից։
Այսպես․ 2021 թվականին Հայաստանում գրանցվել է առքուվաճառքի 56 հազար 44 գործարք՝ նախորդ տարվա 46 հազար 159-ի փոխարեն։ Այսինքն՝ այս տարի նախորդ տարվա համեմատ գործարքների թիվն աճել է 21,4 %-ով։
Ամենաշատ գործարքները գրանցվել են Երևանում՝ ընդհանուր առքուվաճառքի գործարքների 31․4 %-ը։ Մարզերից ամենաշատ գործարքները եղել են Կոտայքում, Արարատի և Արմավիրի մարզերում, իսկ ամենաքիչը՝ Վայոց Ձորի մարզում։
Նշենք, որ Երևանում և Հայաստանի բոլոր մարզերում անշարժ գույքի առքուվաճառքի աճ է գրանցվել, բացի Սյունիքի մարզից։ Այստեղ նախորդ տարվա համեմատ առքուվաճառքի գործարքները նվազել են 2.1 %-ով։
Առքուվաճառքի գործարքների 8,2 %-ի դեպքում կողմ են հանդիսացել օտարերկրյա քաղաքացիները։ Նրանց կողքից առքուվաճառքի 4621 առքուվաճառքի գործարք՝ 1466 գնում և 3034 վաճառք։
Այնուամենայնիվ, նշենք, որ նախորդ տարվա համեմատ օտարերկրյա քաղաքացիների մասնակցությամբ առքուվաճառքի գործարքները աճել են, սակայն դեռևս չեն հասել նախաքովիդյան՝ 2019 թվականի տվյալներին։ Այսպես․ 2019 թվականին Հայաստանում օտարերկրյա քաղաքացիների մասնակցությամբ գրանցվել է 6204 գործարք, այնինչ 2020 թվականին այդպիսի 3495 գործարք է գրանցվել:
Ըստ Կադաստրի կոմիտեի՝ Երևանում բնակարանների 1 քմ մետրի արժեքը էական փոփոխությունների չի ենթարկվել։ Սյունիքի մարզի Գորիս, Կապան, Սիսիան, Մեղրի, Քաջարան քաղաքներում գների նվազում է արձանագրվել, իսկ Արտաշատում, Վանաձորում և Գյումրիում բնակարանները փոքր-ինչ թանկացել են։
Անժելա Պողոսյան
