29.07.2026 | 13:34
Փոխվարչապետ Տիգրան Խաչատրյանը հրաժեշտի հանդիպում է ունեցել Ֆրանսիայի դեսպանի հետ
Նազարբաևը զրկվել է Ղազախստանի քաղաքականության վրա ազդելու հնարավորությունից
Քաղաքականություն
02.02.2022 | 16:24
Ղազախստանի խորհրդարանի ստորին պալատի պատգամավորներն այսօր կողմ են քվեարկել օրենսդրական փոփոխություններին, որոնք վերացնում են երկրի նախկին նախագահ Նուրսուլթան Նազարբաևի հետ երկրի քաղաքականության հիմնական ուղղությունները համաձայնեցնելու անհրաժեշտությունը: Այս մասին գրում է DW-ի ռուսական ծառայությունը։
Հունվարի 27-ին Սենատի՝ խորհրդարանի վերին պալատի պատգամավորներն առաջարկել են փոփոխություններ մտցնել «Հանրապետության սահմանադրական որոշ օրենքներում փոփոխություններ և լրացումներ կատարելու մասին» օրենքում։ Որպեսզի նոր օրենքն ուժի մեջ մտնի, այն պետք է ստորագրի նախագահ Կասիմ-Ժոմարտ Տոկաևը։
2000 թվականին նույն օրենքում մտցվել էր Էլբասի կարգավիճակը, իսկ Նազարբաևի հետ ներքին և արտաքին քաղաքականության հիմնական ուղղությունները համակարգելու անհրաժեշտությունն օրենսդրորեն հաստատվել էր 2010 թվականին։
Սահմանադրական օրենքում փոփոխություններ են նախատեսվում նաև «Առաջին նախագահի մասին» հոդվածում։ Դրանք Նազարբաևին զրկում են Ղազախստանի ժողովրդի ասամբլեայի և երկրի Անվտանգության խորհրդի ղեկավարի պաշտոնից։ Միաժամանակ, նախկին նախագահը մնում է հանրապետության Սահմանադրական խորհրդի անդամ և պահպանում է կառավարությունում և խորհրդարանում ելույթ ունենալու իրավունքը։
Տաթև Ֆռանգյան
