09.08.2026 | 12:56
Սևանա լճում ջրափրկարարները նկատել են շրջված ջրային մոտոցիկլետ․ ՆԳՆ
Թուրքիայի ռազմական գործողությունների հետևանքով Աֆրինի բնակչության դրությունը ավելի է վատացել
Քաղաքականություն
17.04.2018 | 14:48
Եվրամիության արտաքին հարաբերությունների հարցերով զբաղվող խորհուրդը դատապարտել է Թուրքիայի գործողություններն Աֆրինում։ Ըստ խորհրդի հայտարարության՝ Աֆրինում ավելի է վատացել տեղի բնակչության դրությունը։ Թուրքերի ռազմական գործողությունների հետևանքով տեղի բնակչությունը ստիպված է եղել լքել տները և հեռանալ այլ շրջաններ. փոխանցում է ermenihaber-ը:
Նշվել է նաև, որ Թուրքիայի բանակի ստորաբաժանումների գործողությունների հետևանքով ավելի է դժվարացել հումանիտար օգնության տրամադրումը Սիրիային, ինչից մեծապես անհանգստացած է Եվրամիությունը։ Նշվել է, որ պետք է ստեղծվեն պայմաններ, որպեսզի միջազգային կառույցներն անարգել կարողանան օգնություն տրամադրել Սիրիային։
Այս քննադատությանը պատասխանել է Թուրքիայի Եվրամիության հարցերով նախարար Օմեր Չելիքը։
Վերջինս իր «Twitter»-ի էջում գրել է.
«Եվրամիության հայտարարության մեջ չկան քաղաքական սկզբունքներ և անհրաժեշտ պատասխանատվություն Սիրիայի ժողովրդի առջև։ Կա միայն Թուրքիայի նկատմամբ հանդիմանություն։ Մենք հոգնեցինք լսել ԵՄ-ի հայտարարությունները, որոնք ուղղված են քաղաքական սկզբունքներ և խիղճ ունեցող Թուրքիայի դեմ»։
