08.06.2026 | 22:10
ԳԴՀ-ում ՀՀ դեսպանությունը մինչև հուլիսի 31-ը անձնագրավորման համար արտահերթ գրանցման հնարավորություն է սահմանել
Լրատվամիջոցները հրապարակել են ԱՄՆ-ի և ՆԱՏՕ-ի պատասխանները Ռուսաստանին․ ԼՈՒՍԱՆԿԱՐՆԵՐ
Քաղաքականություն
02.02.2022 | 12:55
Իսպանական El Pais-ը հրապարակել է փաստաթղթեր, որոնք, ըստ լրագրողների, ԱՄՆ-ի և ՆԱՏՕ-ի պատասխանն են անվտանգության երաշխիքների վերաբերյալ Ռուսաստանի առաջարկներին։
Ըստ պարբերականի՝ ԱՄՆ-ը հայտարարել է Ռուսաստանի Դաշնության հետ երկխոսություն սկսելու պատրաստակամության մասին՝ միջանկյալ և փոքր հեռահարության հրթիռների ոլորտում սպառազինությունների վերահսկման շուրջ, ինչպես նաև քննարկելու Ուկրաինայում հարձակողական հրթիռների տեղակայումը սահմանափակելու փոխադարձ պարտավորությունները։
Նաև ԱՄՆ-ը և ՆԱՏՕ-ն, ըստ հրապարակման, Ռուսաստանի Դաշնությանը փոխանցել են, որ ձեռնպահ են մնում Արևելյան Եվրոպայում միջուկային զենք տեղակայելուց:
Բացի այդ, ասվում է, որ ԱՄՆ-ը պատրաստ է Ռուսաստանի Դաշնության հետ քննարկել Ռումինիայում և Լեհաստանում «տոմահավկ» թևավոր հրթիռների չտեղակայումը հաստատող մեխանիզմը: Փաստաթղթերում ասվում է նաև, որ ԱՄՆ-ը պատրաստ է «մի շարք վստահության միջոցներ ձեռնարկել» ռազմական ոլորտում, մասնավորապես, ստեղծել արտակարգ շփման գիծ, որը կօգնի կանխել միջադեպերն օդում և ծովում։
Իր հերթին, ՆԱՏՕ-ն հայտարարել է, որ իրենք առճակատում չեն ցանկանում, բայց իրենց համար սկզբունքային հարցերում զիջումների չեն գնա։
