Պուտինն ԱՄՆ-ին մեղադրել է «Ռուսաստանին պատերազմի մեջ ներքաշելու» համար, սակայն բանակցությունների պատրաստակամություն է հայտնել

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

ՌԴ նախագահ Վլադիմիր Պուտինը հաստատել է, որ Վաշինգտոնը մերժել է Մոսկվայի երեք հիմնական պահանջները՝ հրաժարվել ՆԱՏՕ-ի ընդլայնումից, Ռուսաստանի սահմանների մոտ հարվածային համակարգերի տեղակայումից և դաշինքի ենթակառուցվածքների վերադարձից մինչև 1997 թվականի իրավիճակը, գրում է BBC-ի ռուսական ծառայությունը:

Պուտինն ԱՄՆ-ին մեղադրել է Մոսկվային «պատերազմի մեջ ներքաշելու և իրավիճակը որպես նոր պատժամիջոցների պատրվակ օգտագործելու» համար, սակայն հույս է հայտնել, որ ՆԱՏՕ-ի և ԱՄՆ-ի հետ Ռուսաստանի բանակցությունները կօգնեն հաղթահարել ճգնաժամը, թեև, ինչպես խոստովանել է Պուտինը, դրանք հեշտ չեն լինի։

ՌԴ ղեկավարը նաև ասել է, որ դեռ պատրաստ չէ բացահայտել Ռուսաստանի արձագանքը հունվարի 26-ին եվրոպական անվտանգության Մոսկվայի առաջարկների շուրջ ԱՄՆ-ի պատասխանին: ՌԴ ԱԳ նախարար Սերգեյ Լավրովն էլ ասել է, որ պատասխանի հաստատումը մոտենում է ավարտին, և այն շուտով կներկայացվի նախագահին՝ ուսումնասիրության համար։

Մոսկվան պնդում է, որ արևմտյան երկրները պատասխանեն հարցին, թե ինչպես են պատկերացնում անվտանգության անբաժանելիության հանդեպ իրենց հավատարմությունը։ Ընդ որում, Ռուսաստանն ընդգծում է, որ սպասում է ոչ թե ՆԱՏՕ-ի ընդհանուր պատասխանին, այլ առանձին պարզաբանումների արևմտյան երկրներից։

«Մենք ակնկալում ենք օպերատիվ արձագանք։ Մենք նաև ելնում ենք այն հանգամանքից, որ այս հաղորդագրությանը պետք է արձագանք լինի ազգային մակարդակով, քանի որ նշված պարտավորություններն ընդունվել են յուրաքանչյուր պետության կողմից առանձին-առանձին, այլ ոչ թե ինչ-որ միության կամ դաշինքի անունից»,- ասվում է հաղորդագրության տեքստում, որը երեքշաբթի երեկոյան հրապարակվել է ՌԴ ԱԳՆ կայքում։

Մինչ այդ, Կիև այցելած Մեծ Բրիտանիայի վարչապետ Բորիս Ջոնսոնը նախազգուշացրել է Մոսկվային, որ Բրիտանիան և իր դաշնակիցները պատժամիջոցներ կսահմանեն ՌԴ-ի դեմ այն պահին, «հենց որ ռուսական առաջին ճտքակոշիկը մտնի ուկրաինական տարածք»։

Մեծ Բրիտանիայի վարչապետը կարևորել է Կրեմլի հեռանալը վտանգավոր գծից, որը սպառնում է ռազմական աղետի թե՛ Ռուսաստանի, թե՛ աշխարհի համար։

Հավելենք, որ Բորիս Ջոնսոնի և Վլադիմիր Պուտինի հեռախոսազրույցը նախատեսված էր երկուշաբթի, սակայն Ջոնսոնը, ըստ տեղեկությունների, ստիպված է եղել այն տեղափոխել չորեքշաբթի:

Տաթև Ֆռանգյան