09.06.2026 | 00:17
Մարկո Ռուբիոն շնորհավորել է Փաշինյանին
Ուկրաինան 100 հազարով կավելացնի զինված ուժերի թվակազմը
Քաղաքականություն
01.02.2022 | 18:35
Ուկրաինայի զինված ուժերի թվակազմն առաջիկա երեք տարում կավելանա 100 հազարով։ Բացի այդ, երկիրը կավելացնի պայմանագրայինների ծառայության ժամկետը: Այս մասին հայտարարել է Ուկրաինայի նախագահ Վլադիմիր Զելենսկին Գերագույն ռադայում ունեցած ելույթի ժամանակ՝ հավելելով, որ արդեն ստորագրել է համապատասխան հրամանագիրը, գրում է DW-ի ռուսական ծառայությունը։
Միևնույն ժամանակ, Զելենսկին կոչ է արել օրենսդիրներին՝ մնալ միասնական և խուճապ չսերմանել ռուսական ռազմական հարձակման սպառնալիքի պատճառով։
Նա հույս է հայտնել, որ Ռուսաստանի, Ֆրանսիայի և Գերմանիայի հետ խաղաղ բանակցությունների հաջորդ փուլի ժամկետը կհամաձայնեցվի մոտ ապագայում։
«Մենք ակտիվորեն աշխատում ենք առաջիկա օրերին Բեռլինում խորհրդականների հաջորդ հանդիպման ժամկետների համաձայնեցման շուրջ, որտեղ, հուսով եմ, համաձայնություն ձեռք կբերվի «Նորմանդական քառյակի» առաջնորդների հանդիպման վերաբերյալ։ Այս հրամանագիրն Ուկրաինայի՝ պրոֆեսիոնալ բանակին անցնելու սկիզբն է։ Այս հրամանագիրը այն պատճառով չէ, որ շուտով պատերազմ է սպասվում, այս հրամանագիրը նրա համար է, որ շուտով Ուկրաինայում խաղաղություն հաստատվի»,- ասել է Ուկրաինայի նախագահը։
Տաթև Ֆռանգյան
