16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
Բորիս Ջոնսոնը Ուկրաինա կայցելի․ նա բանակցություններ կունենա նաև Պուտինի հետ
Քաղաքականություն
31.01.2022 | 19:23
Մեծ Բրիտանիայի վարչապետ Բորիս Ջոնսոնը վաղը՝ փետրվարի 1-ին, կայցելի Ուկրաինա: Unian-ի փոխանցմամբ՝ այս մասին հայտնել է Ուկրաինայի արտաքին գործերի նախարար Դմիտրի Կուլեբան։
Նա պարզաբանել է, որ գործընկերների հետ ինտենսիվ դիվանագիտական շփումների շնորհիվ Ռուսաստանն ամենուր լսում է Ուկրաինայի հետ համաձայնեցված մեկ դիրքորոշում։
«Առաջիկա երկու շաբաթները հստակ ցույց կտան դա: Միայն այս շաբաթ Կիևում կընդունենք միաժամանակ երեք տարբեր երկրների երեք վարչապետերի»,- ասել է Կուլեբան:
Ըստ ուկրաինացի պաշտոնյայի՝ խոսքը Մեծ Բրիտանիայի, Նիդերլանդների և Լեհաստանի կառավարությունների ղեկավարների մասին է, սակայն Ուկրաինայի ԱԳ նախարարը վարչապետերի այցերի ժամկետները չի նշել։
Միաժամանակ, Daily Mail-ը, վկայակոչելով Ջոնսոնի խոսնակին, գրում է, որ Մեծ Բրիտանիայի վարչապետը կայցելի Ուկրաինա արդեն վաղը՝ փետրվարի 1-ին։ Նախատեսվում է հանդիպում Ուկրաինայի նախագահ Վլադիմիր Զելենսկիի հետ։
The Guardian-ի փոխանցմամբ էլ՝ շաբաթվա ընթացքում Մեծ Բրիտանիայի վարչապետը ճգնաժամային բանակցություններ կվարի նաև Վլադիմիր Պուտինի հետ՝ կապված ռուսական ներխուժման մտավախությունների հետ։ Կառավարությունում պարբերականի աղբյուրները հայտնել են, որ Մեծ Բրիտանիայի վարչապետը վճռական է՝ «արագացնել դիվանագիտական ջանքերը»՝ «արյունահեղությունից խուսափելու համար»:
Տաթև Ֆռանգյան
