16.09.2026 | 20:30
ՌԴ-ն նոր պատժամիջոցներ կկիրառի՝ հենց ՀՀ-ն որոշի ռազմաբազան հեռացնել․ Դավիթ Կարապետյան․ ՏԵՍԱՆՅՈՒԹ
Ռուսաստանն ավարտել է Արևմտյան ռազմական օկրուգի զորքերի մարտական պատրաստության ստուգումը
Քաղաքականություն
31.01.2022 | 18:15
ՌԴ Արևմտյան ռազմական օկրուգի զորքերն ու ավիացիան մարտական պատրաստվածությունը ստուգելուց հետո վերադարձել են մշտական տեղակայման կետեր։ Այս մասին հաղորդում է «Ինտերֆաքս»-ը:
«Պլանային օպերատիվ և մարտական պատրաստության մեջ ներգրավված ռազմական օկրուգի զորամասի կազմավորումները վերադարձել են իրենց մշտական տեղակայման կետերը: Վերադարձը կատարվել է ստանդարտ տեխնիկայի կիրառմամբ՝ համակցված ձևով։ Իրենց տեղակայման վայրերում զինծառայողները սկսել են սպառազինության և զինտեխնիկայի սպասարկումը»,- ասվում է հաղորդագրության մեջ։
Նշվում է, որ զինվորականները մշակել են միջոցառումներ՝ համակողմանի աջակցություն կազմակերպելու և մարտավարական խմբերի կազմում առաջադրանքներ կատարելու համար՝ կենդանի կրակոցներով վարժանքների ընթացքում: Ստուգման նպատակն էր գնահատել կազմավորումների և գումարտակային մարտավարական խմբերի հրամանատարների՝ միջտեսակային փոխգործակցությունը կազմակերպելու կարողությունը։
Ավելի վաղ հաղորդվել էր, որ Ռուսաստանի Դաշնության Արևմտյան ռազմական օկրուգի ավելի քան 6 հազար զինծառայող զորամասերի և կազմավորումների մարտական պատրաստության ստուգման մեկնարկի շրջանակում ուսումնամարզական պատրաստության է բերվել։ Ավիացիոն կազմավորումներն իրականացրել են ինքնաթիռների տեղափոխում Ղրիմի, Կուբանի, ինչպես նաև Ռոստովի և Վոլգոգրադի շրջանների օդանավակայաններ և մշակել են հրթիռային հարվածների արձակումը։
Տաթև Ֆռանգյան
