10.02.2026 | 12:45
Հայ հրաձիգները ոսկե, արծաթե և բրոնզե մեդալներով են վերադարձել պատանեկան ԵԱ-ից
Գերմանիայում ռուս դիվանագետին «պերսոնա նոն գրատա» են հայտարարել․ կասկածում են լրտեսության մեջ
Քաղաքականություն
28.01.2022 | 17:23
Գերմանիայի կառավարությունը երկրից արտաքսել է Մյունխենում ռուսական հյուպատոսության աշխատակցին․ նրան կասկածում են լրտեսության մեջ։ Այս մասին գրում է ՌԻԱ Նովոստին՝ վկայակոչելով գերմանական Der Spiegel-ին։
«Մյունխենում հյուպատոսության աշխատակիցը «պերսոնա նոն գրատա» (անցանկալի անձ) է հայտարարվել»,- գրել է գերմանական պարբերականը՝ հղում անելով սեփական աղբյուրին։
Պարբերականի տվյալներով՝ դիվանագետը ռուսական արտաքին հետախուզական ծառայության աշխատակից է։ Նշվում է, որ նրան ձերբակալել են ռուսաստանցի Իլնուր Ն․-ի դեմ հարուցված գործի շրջանակում, որն աշխատել է գերմանական համալսարաններից մեկի բնագիտության ամբիոնում։
Նախօրեին հայտնի դարձավ, որ Գերմանիայի դաշնային դատախազությունը Ռուսաստանի օգտին լրտեսության գործով մեղադրանք է առաջադրել Իլնուր Ն.-ին։ Բեռլինում պնդում են, որ հատուկ ծառայություններին հետաքրքրել են եվրոպական հրթիռակիր «Արիան»-ի մշակման տվյալները։
ՌԴ նախագահի մամուլի քարտուղար Դմիտրի Պեսկովը հայտարարել է, որ Կրեմլը տեղյակ չէ Գերմանիայում մարդկանց ձերբակալման մասին՝ Մոսկվային եվրոպական տիեզերական ծրագրի մասին տեղեկատվության փոխանցման մեղադրանքով։
Էմմա Չոբանյան
