17.11.2024 | 19:53
Հայաստանի հավաքականը 1:2 հաշվով հաղթեց Լատվիայի թիմին
Զինծառայողների իրավունքները խախտվում են. Տիգրան Աբրահամյան․ ՏԵՍԱՆՅՈՒԹ
Քաղաքականություն
25.01.2022 | 12:26
Ազգային ժողովի «Պատիվ ունեմ» խմբակցության պատգամավոր Տիգրան Աբրահամյանի դիտարկմամբ` գլխավոր խնդիրն այն է, որ 2021 թվականի ընթացքում, բացի սահմանագծում տեղի ունեցած ադրբեջանական սադրանքներից, գերեվարման դեպքերից, կան Զինված ուժերում ոչ կանոնադրական հարաբերությունների ընթացքում մահացած զինծառայողներ: Այս մասին պատգամավորը նշեց խորհրդարանական ճեպազրույցի ժամանակ:
«ԱԺ նիստրեի ընթացքում պարզվեց` պաշտպանութան նախարարը չի տիրապետում, թե 2021 թվականի ընթացքում Զինված ուժերում որքան ոչ մարտական կորուստներ են եղել:
2021 թվականի նոյեմբեր ամսին կա կորած զինծառայող, որի մասին ՊՆ-ն որևէ տեղեկություն չի հաղորդել ու ամեն ինչ անում է, որ նման դեպքերը որևէ ձևով չհանրայնացվեն:
Փաստացի, պետական կառավարման համակարգը գնում է դեպի փակում տեղեկատվական առումով, ավելին, իշխանության կողմից կան ազդակներ առ այն, որ տեղեկությունները, որոնք իշխանության քիմքին հաճելի չեն, դրանց հրապարակայնացումը կարող է բերել տարբեր քրեական գործերի հարուցման»,- նշեց պատգամավորը:
Աբրահամյանը նաև կարծիք հայտեց, որ իշխանությունը փորձում է օգտվել որոշ հարցերի գաղտնիությունից ու ամբողջությամբ փակել համակարգը. «Սա խնդիր է նաև զինվորների ընտանիքների համար, քանի որ կան զինծառայողների իրավունքների խախտումներ, որոնք որևէ ձևով չեն հանրայնացվում ու պատասխան չեն ստանում»:
Մանրամասները՝ տեսանյութում:
