14.09.2026 | 10:21
Ուկրաինական ԱԹՍ-ները հարձակվել են Կրասնոդարի երկրամասի վրա․ Սոչիում հինգ մարդ է վիրավորվել
Ադրբեջանը 297 հայի նկատմամբ քրեական գործ է հարուցել և հետախուզում հայտարարել
Քաղաքականություն
24.01.2022 | 23:25
Ադրբեջանի Զինվորական դատախազությունը անցյալ տարի 1846 քրեական գործ է գրանցել։ Այս մասին հայտարարել է երկրի գլխավոր դատախազ Քյամրան Ալիևը անցյալ տարվա արդյունքներն ամփոփող կոլեգիայի ընդլայնված նիստում, գրում են ադրբեջանական լրատվամիջոցները։
Նրա խոսքով՝ գործերից 530-ը կապված են կոռուպցիոն հանցագործությունների հետ։
Նշվել է, որ զինդատախազության կողմից քննվող գործերով՝ կապված մարդկության դեմ կատարված հանցագործությունների, ինչպես նաև, իբր, ադրբեջանցիների դեմ «հայկական զինված խմբավորումների» կողմից իրականացված «ռազմական հանցագործությունների» հետ, մինչ օրս հարուցվել է քրեական գործ 297 մարդու նկատմամբ՝ երկրի Քրեական օրենսգրքի 103-րդ (ցեղասպանություն), 113-րդ (խոշտանգում), 115-րդ (պատերազմի օրենքների և սովորույթների խախտում), 116-րդ (միջազգային մարդասիրական իրավունքի խախտում զինված ընդհարումների ժամանակ) հոդվածներով։
Հաղորդվում է, որ նրանց նկատմամբ հետախուզում է հայտարարվել։
Էմմա Չոբանյան
