Նոր սահմանափակումը խախտո՞ւմ է անձնական տվյալների գաղտնիությունը. QR կոդի պահանջը` այլ լույսի ներքո. ՏԵՍԱՆՅՈՒԹ

Լուրեր

16.11.2026 | 15:55
Հ1-ի եթերում տեղի ունեցած միջադեպի գործով վարույթ առկա չէ
16.11.2026 | 15:48
Գագաուզիայում ընտրությունների երկրորդ փուլ են անցել ռուսամետ երկու թեկնածուներ
16.11.2026 | 15:40
Հուսով եմ՝ այսօր երեկոյան կկայացնեք վարչապետին ձերբակալելու որոշումը․ Ղազարյանը՝ ԱԱԾ փոխտնօրենին․ ՏԵՍԱՆՅՈՒԹ
16.11.2026 | 15:30
Հայաստանի հավաքականից վաղաժամ հեռացած Էդգար Սևիկյանը վնասվածք է ստացել
16.11.2026 | 15:19
Կալասը Ռուսաստանի խաղաղության պահանջներն «աբսուրդ» է որակել
16.11.2026 | 15:12
Մինչև 12 տարեկան երեխաների փոխադրման կանոնները խախտելու համար տուգանքը 5000-ից կդառնա 20 հազար դրամ․ ՆԳՆ-ի նախագիծը․ ՏԵՍԱՆՅՈՒԹ
16.11.2026 | 15:10
Շաքի մտած ադրբեջանցու գործը դատարանում է // Արթուր Վաղարշյանը՝ ՍԴ փոխնախագահ․ ԼՈՒՐԵՐ
16.11.2026 | 15:01
Ռուսաստանը Միխայիլ Գալուզինին նշանակել է Վրաստանի հետ հատուկ բանակցող
16.11.2026 | 14:50
Նաիրիում՝ դաշնակիցներ, Նոր Հաճընում՝ մրցակիցներ․ ՔՊ-ի և գործընկեր կուսակցությունների ընտրական մարտավարությունը
16.11.2026 | 14:42
Ալիևի սոցցանցերի էջերը կիբերհարձակման են ենթարկվել․ X-ում ընդդիմադիրների տեսանյութեր են հայտնվել
16.11.2026 | 14:34
Վրաստանը Հայաստանին է հանձնել սպանության և սպանության փորձի համար հետախուզվող անձի
16.11.2026 | 14:24
Ջենսեն Հուանգը քննարկում է Nvidia վերադառնալու հնարավորությունը․ FT
16.11.2026 | 14:16
Երեխան պետք է գնա դպրոց մի տեղ, որտեղ ոտքով կարող է հասնել․ Տիգրան Ավինյան․ ՏԵՍԱՆՅՈՒԹ
16.11.2026 | 14:08
Բռնցքամարտիկ Արթուր Բազեյանը հանդես է եկել Եվրոպայի հավաքականի կազմում
16.11.2026 | 14:03
«Անթաքույց բռնությունն ու վիրավորանքը չեն կարող արդարացվել»․ ՀՌՀ-ն քննադատել է Հանրայինի «Մեծ բանավեճ» հաղորդման հեռարձակումը
Բոլորը

Հանրային վայրեր մուտք գործելու համար այսուհետ պետք է կա՛մ կորոնավիրուսի դեմ պատվաստման QR կոդը ներկայացնել, կա՛մ ՊՇՌ թեստի բացասական պատասխան։ Թեև առողջապահության նախարարի այս որոշումն ուժի մեջ է արդեն 2 օր, սակայն միանշանակ չի ընդունվել։

Հունվարի 22-ից ուժի մեջ մտած սահմանափակումներին այսօր անդրադարձավ նաև առողջապահության նախարար Անահիտ Ավանեսյանը։ Որոշման ընդունումից հետո մասնագետներն ահազանգեցին, որ մարդկանց QR կոդը սքանավորելու դեպքում խախտվում է անձնական տվյալների գաղտնիության իրավունքը․ նախարարն ընդգծում է՝ այդ մտավախությունները տեղին չեն։

«Երեկվանից բազմաթիվ տեղերում սահմանափակումները գործում են, տեխնիկական խոչընդոտներ չկան: Մենք ստեղծել ենք հավելյալ սերվերային պահոց՝ «ԱրՄեդ» համակարգի տարածմանը համընթաց, որպեսզի ապահովենք մեր քաղաքացիների տվյալների գաղտնիությունը: Որևէ մեկի անձնական տվյալների գաղտնիությունը չի խախտվում»,- ասաց նախարարը։

Առողջապահության ոլորտի գլխավոր պատասխանատուն շեշտում է՝ քաղաքացին իր կամքով է ցույց տալիս կա՛մ QR կոդ, կա՛մ ՊՇՌ թեստի բացասական պատասխան, և գաղտիության որևէ խնդիր այստեղ չկա, քանի որ հավելվածում անձնական այլ տվյալներ չեն երևում։

Թեև Ավանեսյանը պնդում է, որ «ԱրՄեդ» հավելվածում անձնական տվյալներ չեն երևում, սակայն պատվաստման QR կոդը սքանավորելու միջոցով հնարավոր է ստանալ այդ տվյալները։ Ստացվում է՝ հանրային վայրերում տեսականորեն կարող են իմանալ ձեր անձնական տվյալները, եթե սքանավորեն ներկայացված փաստաթուղթը։

Այդուհանդերձ, որոշումն արդեն ուժի մեջ է և սկսել է կիրառվել։ Հարցին՝ ինչո՞ւ նման սահմանափակումներ չեն գործում նաև հանրային տրանսպորտում, նախարարը հայտարարեց՝ երթուղայիններում հակահամաճարակային կանոնները պահպանվում են։ Լրագրողները, սակայն, հակառակը պնդեցին՝ երթուղայիններում դիմակ կրում է քաղաքացիների փոքր մասը միայն։

«Մենք հասկանում ենք, որ հանրային տրանսպորտը, աշխատավայրը, սննդի խանութներն այն վայրերն են, որոնք անհրաժեշություն են հանդիսանում, և դրանց վերաբերյալ սահմանափակումները շատ ծանրակշիռ, հանգամանալից քննարկման արդյունքում կարող ենք կայացնել: Դիմակների կրման ռեժիմը պահպանվում է, և պետք է տրանսպորտային միջոցներում հետևողականորեն պահպանել հակահամաճարակային այդ կանոնը»,- ասաց նախարարը։

Քաղաքացիների մուտքը առևտրի կենտրոններ ազատ է, մինչդեռ նույն մոլերի սննդի կետերից օգտվելիս նրանցից պահանջում են ներկայացնել QR կոդ կամ թեստի բացասական պատասխան։ Նախարարն այս տարանջատման սկզբունքը բացատրում է հետևյալ կերպ․ սննդի կետերում մարդիկ ճաշում են, և քովիդով վարակվելու հավանականությունն ավելի մեծ է։

«Մոլերի, սննդի խանութների և առևտրի կենտրոնների համար այդ սահմանափակումները չեն գործում, որովհետև սկզբունք ենք ընտրել՝ հնարավորինս անհրաժեշտ ծառայությունների համար դեռևս չկիրառել այդ սահմանափակումները»,- նշեց Անահիտ Ավանեսյանը։

Արդյո՞ք հանրային վայրերում նոր սահմանափակումները պատշաճ կերպով են իրականացվում․ Սննդամթերքի անվտանգության, Առողջապահական և աշխատանքի տեսչական մարմինները, ինչպես նաև Ոստիկանությունը հանրային վայրեր ստուգայցերը սկսել են որոշման ուժի մեջ մտնելու առաջին օրվանից։

Հարցին՝ հնարավո՞ր է, որ Հայաստանում պատվաստումները պարտադիր լինեն, առողջապահության նախարարը պատասխանում է՝ նման քննարկումներ չկան։ Քննարկումներ չկան նաև մոլերում մուտքի սահմանափակումներ մտցնելու առումով։

Մանրամասները՝ տեսանյութում։

Արփի Հակոբյան