18.12.2025 | 13:40
Ադրբեջանցի դատախազն առաջարկել է Ռուբեն Վարդանյանին դատապարտել ցմահ ազատազրկման
Պեսկովը չի բացառել ՌԴ և ԱՄՆ նախագահների շփումները
Քաղաքականություն
24.01.2022 | 18:51
ՌԴ և ԱՄՆ նախագահներ Վլադիմիր Պուտինի և Ջո Բայդենի միջև նոր շփումները չեն կարող բացառվել, բայց այս հարցում դեռևս փոխըմբռնում չկա։ Այս մասին լրագրողներին ասել է ՌԴ նախագահի խոսնակ Դմիտրի Պեսկովը՝ նշելով, որ ԱՄՆ-ի հետ անձնական բանակցությունները շարունակելու հարցը կքննարկվի անվտանգության երաշխիքների վերաբերյալ պատասխան ստանալուց հետո, գրում է ՌԻԱ Նովոստին։
Ավելի վաղ Պեսկովը հայտնել էր, որ Կրեմլն այս շաբաթ ակնկալում է ԱՄՆ-ից և ՆԱՏՕ-ից գրավոր պատասխաններ ստանալ անվտանգության երաշխիքների վերաբերյալ իրենց առաջարկներին։
Նա նշել է, որ անձնական բանակցությունները շարունակելու հարցը կորոշվի գրավոր պատասխան ստանալուց հետո, և չի բացառել, որ կարող են շփումներ լինել ՌԴ և ԱՄՆ նախագահների միջև։
«Անհրաժեշտության դեպքում ոչինչ չի կարելի բացառել, այդ թվում՝ ամենաբարձր մակարդակով շփումը, բայց այժմ այդ հարցում ըմբռնումներ չկան»,- ասել է Պեսկովը՝ խոսելով երկու նախագահների շփման հավանականության մասին։
Տաթև Ֆռանգյան
