21.04.2026 | 21:52
ԱՄՆ-ն Իրանի հետ կապված պատժամիջոցների տակ գտնվող լցանավ է կալանել
Պատվաստված քաղաքացիները օմիկրոնով վարակվելու դեպքում հիվանդության թեթև ընթացք են ունենում. նախարար․ ՏԵՍԱՆՅՈՒԹ
24.01.2022 | 12:23
Անցած տարվա ընթացքում ՀՀ պետական բյուջեից 6 մլրդ 700 մլն դրամ է հատկացվել վիրավոր զինծառայողների վերականգնողական օգնությանը: Այս մասին լրագրողների հետ հանդիպման ժամանակ ամփոփելով 2021թ. կատարված աշխատանքները՝ նշեց ՀՀ առողջապահության նախարար Անահիտ Ավանեսյանը: Նրա խոսքով՝ այս ծրագրին ի սկզբանե 3 մլրդ 296 մլն դրամ էր հատկացվել, սակայն գումարը տարվա ընթացքում անընդհատ վերանայվել է: Ամբողջ տարվա ընթացքում այս ծրագրին ուղղվել էր 6 մլրդ 700 մլն դրամ: Սա, ըստ նախարարի, վկայությունն է այն բանի, որ զինծառայողներին ու նրանց ընտանիքներին հատկացվող գումարը մեծապես աճել է։
Ինչպես ընդգծեց Ավանեսյանը՝ ֆինանսավորման մեխանիզմով այս ծրագիրը տարբերվում է այլ ծրագրերից։ Այն օֆերտայի սկզբունքով է կազմակերպվում, այսինքն՝ ծառայությունները մատուցելու կատարողականի հիմքով, և ֆինանսավորումը սահմանափակված չէ տարեկան բյուջետային շրջանակներով:
Նախարարն անդրադարձավ նաև կորոնավիրուսի համավարակի դեմ ընթացող պայքարին, պատվաստման գործընթացին՝ հիշեցնելով, որ կազմակերպվել են նաև շարժական կետեր, իրականացվել են տնային այցեր: «Տարվա առաջին կեսին պատվաստման գործընթացը դանդաղ էր ընթանում, աշնանը ակտիվացավ գործընթացը»,- նշեց Ավանեսյանը::
«Պատվաստված քաղաքացիները օմիկրոնով վարակվելու դեպքում հիվանդության թեթև ընթացք են ունենում»,- վստահեցրեց նախարարը:
Մանրամասները՝ տեսանյութում:
