19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Իրանը վերականգնել է ՄԱԿ-ում ձայնի իրավունքը՝ փակելով պարտքը
Քաղաքականություն
23.01.2022 | 18:54
Իրանը վերականգնել է ձայնի իրավունքը ՄԱԿ-ի Գլխավոր ասամբլեայում՝ վճարելով Կորեայում սառեցված իրանական ակտիվներից կազմակերպության դիմաց իր պարտքը, հայտնել է Իսլամական Հանրապետության մշտական ներկայացուցիչ Մաջիդ Թահթ-Ռավանչին:
«Իրանի Իսլամական Հանրապետությունը ՝ որպես ՄԱԿ-ի ակտիվ անդամ, մշտապես հավատարիմ է եղել իր անդամավճարների ժամանակին վճարմանը և այժմ դա ապացուցել է գործնականում: Ցավոք, արդեն երկրորդ տարին անընդմեջ ԱՄՆ-ի կողմից Իրանի նկատմամբ միակողմանի, դաժան պատժամիջոցների պատճառով բախվում ենք վճարման խնդրի հետ»,- հայտարարել է մշտական ներկայացուցիչը, որի խոսքը մեջբերում է «ՌԻԱ Նովոստի» գործակալությունը: Նրա խոսքով՝ ձայնի իրավունքը կվերականգնվի երկուշաբթի օրվանից։
Իր հերթին Հարավային Կորեայի ԱԳՆ-ն հաստատել է, որ 18 մլն դոլարի չափով Իրանի անդամավճարի վճարումը իրականացվել է Կորեայում իրանական սառեցված հաշիվներից: Նշվում է, որ ՄԱԿ-ի Գլխավոր ասամբլեայում ձայնի իրավունքը կվերականգնվի ֆինանսական գործողության ավարտից հետո:
Ավելի վաղ Իրանը հերթական անգամ զրկվել էր ձայնի իրավունքից ՄԱԿ-ի Գլխավոր ասամբլեայում՝ կազմակերպության հանդեպ ունեցած պարտքի պատճառով: Ձայնի իրավունք ստանալու համար Իրանին պահանջվում էր 18,4 մլն դոլար։
