29.07.2026 | 14:27
Զելենսկին հայտնել է Ռյազանի և Պերմի նավթավերամշակման գործարաններին հարվածների մասին
Ալիևը ԵՄ հատուկ ներկայացուցչի և Ֆրանսիայի նախագահի խորհրդականի հետ քննարկել է տարածաշրջանային իրավիճակը
Քաղաքականություն
21.01.2022 | 12:46
Ադրբեջանի նախագահ Իլհամ Ալիևը նախօրեին ընդունել է Ֆրանսիայի նախագահի Եվրոպայի և Թուրքիայի հարցերով խորհրդական Իզաբել Դյումոնին ու Հարավային Կովկասի և Վրաստանում ճգնաժամի հարցերով ԵՄ հատում ներկայացուցիչ Տոյվո Կլաարի պատվիրակությանը, գրում են ադրբեջանական լրատվամիջոցները։
Ըստ հաղորդագրության՝ Ալիևը բարձր է գնահատել Ֆրանսիայի ու ԵՄ ներկայացուցիչների հետ հանդիպումը նման ձևաչափով՝ ընդգծելով, որ այն ստեղծել է դրական հնարավորություններ՝ Բրյուսելում քննարկված խաղաղության օրակարգի զարգացման համար։
Դյումոնը, մասնավորապես, նշել է, որ այցի նպատակը դեկտեմբերի 15-ին Բրյուսելում կայացած հանդիպումներին հետևող քննարկումներ անցկացնելն է։
Կլաարն իր հերթին ընդգծել է հանդիպումների կարևորությունը, որոնք տեղի են ունեցել Բրյուսելում ԵՄ «Արևելյան գործընկերության» գագաթնաժողովի շրջանակում և նշել, որ տարածաշրջան այցը կարևոր է՝ արդիական հարցերի քննարկման տեսանկյունից։
Ի դեպ, հանդիպման հրապարակված լուսանկարից երևում է, որ քննարկմանը մասնակցել է նաև ԵԱՀԿ Մինսկի խմբի ֆրանսիացի համանախագահ Բրիս Ռոքֆոյը։
Կողմերը կարծիքներ են փոխանակել տարածաշրջանում խաղաղության ու կայունության ապահովման, ինչպես նաև փոխադարձ հետաքրքրություն ներկայացնող հարցերի շուրջ։
Նշենք, որ Իզաբել Դյումոնն ու Տոյվա Կլաարն այսօր արդեն Հայաստանում են։
Էմմա Չոբանյան
