18.12.2025 | 22:49
Համբերությունը սպառվում է. Թուրքիան զգուշացրել է Սիրիայի քրդական ուժերին
Զախարովան անդրադարձել է Իլհամ Ալիևի՝ Ուկրաինա կատարած այցին
Քաղաքականություն
20.01.2022 | 15:33
ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցում անդրադարձել է Ադրբեջանի նախագահ Իլհամ Ալիևի՝ Ուկրաինա կատարած այցին։ Նա նշել է, որ երկկողմ հարաբերությունների հաստատումը յուրաքանչյուր երկրի ինքնիշխան իրավունքն է։
«Կարևոր է, որ այդ շփումներն ուղղված չլինեն երրորդ երկրների դեմ։ Մենք ևս ելնում ենք այդ սկզբունքային դիրքորոշումից այլ երկրների հետ սեփական շփումների հաստատման գործում և նման մոտեցում ենք ակնկալում մեր գործընկերներից։ Ադրբեջանի նախագահի Կիև այցի թեման մանրամասն քննարկվել է ՌԴ-ի և Ադրբեջանի նախագահների միջև հեռախոսազրույցի ընթացքում, որը կայացել է հունվարի 18-ին ադրբեջանական կողմի նախաձեռնությամբ»,- ասել է Զախարովան։
Հիշեցնենք՝ Ադրբեջանի նախագահ Իլհամ Ալիևը հունվարի 14-ին մեկօրյա աշխատանքային այցով մեկնել էր Կիև, որտեղ հանդիպել էր Ուկրաինայի նախագահ Վլադիմիր Զելենսկիին։ Այցի շրջանակում երկու երկրների միջև մի շարք փաստաթղթեր էին ստորագրել, այդ թվում՝ պետությունների ղեկավարների համատեղ հռչակագիրը։
Էմմա Չոբանյան
