07.11.2024 | 12:26
Մեսրոպ Մեսրոպյանն ընտրվեց ՀԾԿՀ նախագահ․ ՏԵՍԱՆՅՈՒԹ
ԱՄՆ-ը կարող է բավարարել Թուրքիայի՝ F-16 կործանիչների գնման խնդրանքը․ աղբյուր
Քաղաքականություն
20.01.2022 | 14:41
ԱՄՆ-ը կարող է բավարարել Թուրքիայի դիմումը F-16 կործանիչների գնման վերաբերյալ՝ Սև ծովում դաշնակիցներին ուժեղացնելու համար։ Այս մասին հայտնել է CNNTurk հեռուստաալիքը՝ վկայակոչելով իր ամերիկյան աղբյուրներին, փոխանցում է ՌԻԱ Նովոստին։
«Կողմերը հանդիպումներ են անցկացրել ինչպես Անկարայում, այնպես էլ Վաշինգտոնում։ Կա տեղեկություն, որ ԱՄՆ-ն կարող է հավանություն տալ Թուրքիայի խնդրանքին՝ 40 Block 70 F-16 կործանիչներ և 80 Block 70 արդիականացման համալիրների գնման վերաբերյալ։ Պատճառը Սև ծովում աճող սպառնալիքների դեմ ՆԱՏՕ-ի իր դաշնակիցներին զինելու ցանկությունն է»,- նշել է հեռուստաալիքը։
Հիշեցնենք՝ ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ ԱՄՆ նախագահ Ջո Բայդենն իրեն խոստացել է ամեն ջանք գործադրել՝ համոզելու Սենատին՝ հավանություն տալ Թուրքիային F-16-երի վաճառքին։
Հավելենք, որ ԱՄՆ-ը պատժամիջոցներ է կիրառել Թուրքիայի նկատմամբ ռուսական C-400 համակարգերի գնման պատճառով և հեռացրել հինգերորդ սերնդի F-35 կործանիչների ծրագրից։ Դրանից հետո հայտնվելով բարդ իրավիճակում՝ Անկարան սկսեց Վաշինգտոնին դիմել F-16-երի նոր խմբաքանակի գնման խնդրանքով։
Էմմա Չոբանյան
