17.05.2026 | 17:13
Մետրոպոլիտենում առաջացած տեխնիկական խափանումը վերացվել է
Ալեն Սիմոնյանի՝ ԱԺ նախագահ ընտրվելու սահմանադրականությունը ՍԴ-ում կքննարկվի դռնբաց նիստում
Քաղաքականություն
19.01.2022 | 23:05
Սահմանադրական դատարանը հունվարի 18-ին որոշում է կայացրել Ազգային ժողովի ընդդիմադիր խմբակցությունների կողմից ներկայացված դիմումը՝ ԱԺ նախագահ Ալեն Սիմոնյանի ընտրության վերաբերյալ որոշման սահմանադրականությունը վիճարկել դռնբաց (բանավոր) նիստում:
Ուշագրավ է, որ մինչ այս նիստը նախատեսված էր գրավոր ընթացակարգով, այսինքն` հարցի քննարկումն իրականցվելու էր դռնփակ:
Հիշեցնենք՝ օգոստոսի 3-ին Ազգային ժողովում «Հայաստան» և «Պատիվ ունեմ» խմբակցությունները հայտարարել էին, որ Ալեն Սիմոնյանի՝ ԱԺ նախագահ ընտրվելը հակասահմանադրական է: Ընդդիմադիրները որպես պատճառաբանություն նշում էին այն, որ իրենց առաջադրած թեկնածուները կալանավայրում են, ինչն անհավասար պայմաններ է ստեղծել:
Նշենք, որ նիստը նախատեսված է հունվարի 25-ին, հարցի զեկուցողը ՍԴ դատավոր Երվանդ Խունդկարյանն է:
Նարեկ Կիրակոսյան
