19.05.2026 | 23:24
Արփինե Սարգսյանը և ԱՄՆ ժամանակավոր հավատարմատարը քննարկել են կիբեռլաբորատորիայի ստեղծումն ու համագործակցության ընդլայնումը
Միխեիլ Սաակաշվիլին հոգեբանական վերականգնման կարիք ունի
Քաղաքականություն
19.01.2022 | 14:52
Վրաստանի նախկին նախագահ Միխեիլ Սաակաշվիլին ֆիզիկական և հոգեբանական վերականգնման կարիք ունի, նրա առողջական վիճակն ուշադրություն է պահանջում։ Այս մասին ասել է Վրաստանի օմբուդսմենի կողմից ստեղծված խորհրդի բժիշկ Թենգիզ Ցուլաձեն, գրում է ՌԻԱ Նովոստին։
«Մեր զեկույցի համաձայն՝ բացի դեղորայքային բուժումից՝ անհրաժեշտ է ներառել ֆիզիկական և հոգեբանական վերականգնումը, ինչը քիչ իրատեսական է բանտային պայմաններում, բայց արժե փորձել»,- ճեպազրույցում ասել է Ցուլաձեն։
Նրա խոսքով՝ Սաակաշվիլիի առողջական վիճակը պահանջում է ուշադրություն, քանի որ «հետտրավմատիկ ախտանշանները, անեմիան, թուլությունը, կոորդինացիայի խանգարումները դեռ արտահայտված են»։ Ցուլաձեն կարծում է, որ խորհրդի կողմից առաջարկված վերականգնումը կարող է իրականացվել Վրաստանում։
«Բժշկական օգնությունը, իհարկե, կարևոր է, բայց հոգեթերապիան և հոգեբանական վերականգնումը նույնպես կարևոր են: Եթե չբուժվի, այն կարող է հանգեցնել դեպրեսիայի և հետտրավմատիկ սթրեսային խանգարման: Այն նաև մեծացնում է ինքնասպանության մտքերի վտանգը և շատ այլ բաներ, որոնք կապված են դեպրեսիայի հետ»,- հավելել է բժիշկը։
Հիշեցնենք՝ Սաակաշվիլին Վրաստանում ձերբակալվել է անցյալ տարվա հոկտեմբերի 1-ին։
Տաթև Ֆռանգյան
