26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Հյուսիսային Կորեան հաստատել է մարտավարական կառավարվող երկու հրթիռների փորձնական արձակումը
Քաղաքականություն
18.01.2022 | 14:40
Հյուսիսային Կորեան հաստատել է մարտավարական կառավարվող երկու հրթիռների փորձնական արձակումը, որոնք խոցել են Ճապոնական ծովում գտնվող կղզու վրա տեղակայված թիրախը։ Այս մասին հայտնում է Yonhap գործակալությունը՝ հղում անելով Կորեայի կենտրոնական լրատվական գործակալությանը (KCNA):
«ԿԺԴՀ-ի արևմտյան մասում արձակված մարտավարական կառավարվող երկու հրթիռները ճշգրիտ կերպով խոցել են Արևելյան ծովում (Ճապոնական ծովը) գտնվող կղզու թիրախը»,- գրում է KCNA-ը:
Իր հերթին, ԿԺԴՀ-ի պաշտպանական գիտությունների ակադեմիան «հաստատել է արտադրված սպառազինության համակարգի ճշգրտությունը, անվտանգությունն ու արդյունավետությունը»։
Միաժամանակ, նշվում է, որ Հյուսիսային Կորեայի առաջնորդ Կիմ Չեն Ընը փորձարկումներին ներկա չի եղել։
Տաթև Ֆռանգյան
