07.11.2024 | 15:15
Թրամփը չի ստիպի Ուկրաինային զիջել տարածքներ․ Տիգրան Ավագյան․ ՏԵՍԱՆՅՈՒԹ
Լեհաստանում մաչետեով զինված տղամարդը փողոցում հարձակվել է անցորդների վրա․ կան վիրավորներ
Քաղաքականություն
17.01.2022 | 15:20
Լեհաստանի Տորուն քաղաքում այսօր մաչետեով զինված տեղի բնակիչը փողոցում հարձակվել է անցորդների վրա։ 21-ամյա լեհը մի քանի մարդու է վիրավորել։
Ներկայում հայտնի է երեք տուժածի մասին։ Հանցագործի ինքնությունը ևս հայտնի է՝ 21-ամյա Լուկա Լ.-ն, որը, հավանաբար, թմրանյութի ազդեցության տակ շրջել է Տորունի փողոցներով և դանակահարել պատահական անցորդներին, գրում է News read online-ը։
Լեհաստանի գլխավոր տեսուչ Վիոլետա Դաբրովսկան տեղական Onet պարբերականին ասել է, որ առաջին տուժածը կին է, որը վիրավորվել է դեմքի հատվածում։ Այնուհետև հանցագործը հարձակվել է մեկ այլ կնոջ վրա՝ վնասելով նրա ձեռքը։ Երրորդ զոհը եղել է տղամարդ, որը նույնպես հարված է ստացել դեմքին։
Ոստիկանությունը հարձակվողին բերման է ենթարկել՝ օգտագործելով էլեկտրաշոկ։ Հարձակվողին տեղափոխել են քննչական մեկուսարան։ Ենթադրվում է, որ հանցագործը կարող էր հարձակվել ավելի շատ մարդկանց վրա, ուստի Տորունի ոստիկանությունը փնտրում է վկաների, որոնք առավոտյան տեսել են նրան։
Տաթև Ֆռանգյան
