10.02.2026 | 21:58
ԱՄՆ-ը նախատեսում է Ադրբեջանին նոր նավակներ մատակարարել՝ տարածքային ջրերը պաշտպանելու համար
Իշխանության հետ կապ չունենք. Մեսրոպ Առաքելյանը՝ իր և Մանե Թանդիլյանի գործունեության մասին. ՏԵՍԱՆՅՈՒԹ
Քաղաքականություն
14.01.2022 | 14:51
«Ցավով եմ նշում, որ այսօր, նաև տասնամյակներ շարունակ Հայաստանում ընդդիմադիր լինելու միակ չափանիշը հայհոյանքն ու ատելության խոսքն է»- այս մասին լրագրողների հետ ճեպազրույցում ասաց նախկին սոցապնախարար, «Ապրելու երկիր» կուսակցության համահիմնադիր Մեսրոպ Առաքելյանը:
«Մենք հայհոյախառն և վիրավորական խոսքեր չենք ուղղում իշխանությանը, վստահեցնում եմ՝ դրանից հասարակությունը զզվել է… Հասարակությունը հոգնել է այն մթնոլորտից, որ այսօր կա քաղաքական դաշտում: Հասարակությունն ուզում է, որ իրենց կյանքում բան փոխվի: Մենք համայնքներում մասնակցում ենք ընտրություններին, փորձելու ենք աշխատել: Կենացներ և փոխադարձ մեղադրանքներ ասելու գործընթացը շատ քաղաքական ուժեր՝ և ընդդիմությունից և իշխանությունից, հաջողությամբ իրականացնում են, մենք չենք պատրաստվում դրանով զբաղվել»,- նշեց Առաքելյանը:
Անդրադառնալով դիտարկմանը, որ ոչ վաղ անցյալում՝ այս իշխանության օրոք եղել է Աշխատանքի և սոցիալական հարցերի նախարար, ինչպես նաև «Ապրելու երկիր» կուսակցության համահիմնադիր Մանե Թանդիլյանն է պաշտոններ զբաղեցրել, Առաքելյանը նշեց, որ, այնուամենայնիվ, այժմ իշխանության հետ որևէ կապ չունեն:
«Ես եղել եմ նախարար, կատարել եմ իմ պարտականությունները, արտահայտել եմ իմ դիրքրոշումը… 2018թ. այսօրվա ընդդիմադիր գործիչներից շատերը եղել են Փաշինյանի կառավարությունում, բայց այսօր ԱԺ-ում շարունակում են վիրավորել նրան:
Մենք եղել ենք նախարար, այդ առաքելությունը համարում ենք ավարտված, հիմա շարունակում ենք մեր քաղաքական գործունեությունը»,- նշեց Առաքելյանը:
Մանրամասները՝ տեսանյութում:
