19.05.2026 | 10:54
24 մասնակից՝ 11 երկրից․ մեկնարկում է Խաչատրյանի անվան միջազգային մրցույթը
Լավրովը՝ ՀԱՊԿ-ի հնարավոր ընդլայման և կազմակերպության հետ շփումներ հաստատելու շահագրգռվածության մասին. ՏԵՍԱՆՅՈՒԹ
Քաղաքականություն
14.01.2022 | 14:37
ՌԴ ԱԳ նախարար Սերգեյ Լավրովը իր տարեկան ամփոփիչ ասուլիսի ժամանակ խոսել է ՀԱՊԿ-ի ընդլայնման հնարավորությունների մասին։
«ՀԱՊԿ կանոնադրության մեջ ամեն ինչ գրված է՝ ով ցանկանում է անդամակցել, պետք է նման խնդրանք ներկայացնի»,- ասել է Լավրովը՝ պատասխանելով Իրանի անդամակցությամբ ՀԱՊԿ-ի ընդլայնման հնարավորության մասին լրագրողի հարցին։
«Վերջին մեկուկես տարվա ընթացքում պետությունների ղեկավարները ստորագրեցին արձանագրություն, որով փոփոխություններ մտցվեցին կանոնադրության մեջ, և կազմակերպության լիիրավ անդամներից բացի՝ ստեղծվում են գործընկեր և դիտորդական ինստիտուտներ»,- հայտնել է ռուսաստանցի պաշտոնյան։
Նրա խոսքով՝ կապեր հաստատելու հարցում առնվազն շահագրգռվածություն կա։
Հիշեցնենք, որ ՀԱՊԿ-ի անդամներն են Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը։
Մանրամասները՝ տեսանյութում։
Տաթև Ֆռանգյան
