16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ԵՄ-ն աջակցում է Հայաստանի և Թուրքիայի միջև հարաբերությունների կարգավորմանը
Քաղաքականություն
14.01.2022 | 12:58
ԵՄ-ն աջակցում է Երևանի և Անկարայի միջև հարաբերությունների կարգավորմանը։ Հայ-թուրքական հարաբերությունների կարգավորմանն ու հատուկ բանագնացների հանդիպմանը թվիթերյան գրառմամբ անդրադարձել է, մասնավորապես, Հարավային Կովկասում և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը։
«Ողջունում եմ Մոսկվայում Հայաստանի և Թուրքիայի ներկայացուցիչների հանդիպումը։ Հարաբերությունների կարգավորումն ու հաղորդակցությունների բացումը կարևոր նպատակ է, որին ԵՄ-ն լիովին աջակցում է»,- գրել է Կլաարը։
Հիշեցենք՝ Մոսկվայում այսօր տեղի է ունենալու Հայաստանի և Թուրքիայի հատուկ ներկայացուցիչների առաջին հանդիպումը՝ հայ-թուրքական հարաբերությունների կարգավորման գործընթացի շրջանակում։ Հայկական կողմի հատուկ բանագնացն է ՀՀ ԱԺ փոխխոսնակ Ռուբեն Ռուբինյանը, թուրքական կողմինը՝ Սերդար Քըլըչը։
Հատուկ բանագնացներն արդեն Մոսկվայում ժամանել են ՌԴ ԱԳՆ ընդունելությունների տուն, որտեղ էլ կայանալու է հանդիպումը։
Էմմա Չոբանյան
Welcome news about meeting in Moscow between 🇦🇲and🇹🇷representatives. Normalisation of relations and opening of communications is an important objective that the 🇪🇺fully supports.
— Toivo Klaar (@ToivoKlaar) January 14, 2022
