26.06.2026 | 19:10
Դրոշներ՝ բոլոր համայնքների մուտքերի մոտ․ ՔՊ-ականների նախագիծն ընդգրկվել է ԱԺ արտահերթ նիստի օրակարգում
Պետք է բանակային ռեֆորմ անել․ Զարուհի Հովհաննիսյան. ՏԵՍԱՆՅՈՒԹ
Հասարակություն
13.01.2022 | 11:39
Կառավարության շենքի մոտ մի քանի տասնյակ մարդիկ բողոքի ակցիա են իրականացնում՝վերջին օրերին սահմանին ռազմական գործողությունների հետ կապված: Ակցիայի մասնակիցները հիմնականում կանայք են, որոնք պահանջում են, որ երկրի իշխանությունը լուծի քաղաքացիների և երկրի անվտանգության հետ կապված հրատապ խնդիրները։
«Կանայք այս «մսաղացը» սարքողների դեմ». այս գրությամբ պաստառ էր ակցիայի մասնակից, իրավապաշտպան Զարուհի Հովհաննիսյանի ձեռքին: Լրագրողների հետ զրույցում Հովհաննիսյանը նշեց. «Երբ պետք էր Ղազախստան զորք ուղարկել, արագ մեթոդը գտնում և ենթարկվում են, հիմա թող մեթոդը գտնեն իրենց երկիրը, քաղաքացու կյանքի իրավունքը պաշտպանելու: Ինչքա՞ն կարելի է այս սպանդին դիմանալ:
Պետք է բանակային խոշոր ռեֆորմ անեն, վերազինեն բանակը։ Սա այն պետությունն է, որը գերեզմանատները կարողանում է տեխնիկայով ապահովել, իսկ սահմանային ինժեներական աշխատանքները երեխաները ձեռքով են անում: Դա նորմալ չէ»:
Իրավապաշտպանի դիտարկմամբ՝ մարդու իրավունքների պաշտպանությանը Հայաստանում ուշադրություն չի դարձվում:
Մանրամասները՝ տեսանյութում:
