18.12.2025 | 23:24
ՀՀ տարածքում ավտոճանապարհները հիմնականում անցանելի են
Ղազախստանում ՀԱՊԿ խաղաղապահների պատասխանատվության գոտիներում իրավիճակը վերահսկելու համար ԱԹՍ-ներ են կիրառվում
Քաղաքականություն
12.01.2022 | 13:33
ՀԱՊԿ խաղաղապահները հսկում են Ղազախստանի կարևոր պետական և սոցիալական նշանակության օբյեկտները, այդ թվում՝ օդանավակայանները, հեռուստատեսային կենտրոնները և ռազմական պահեստները, չորեքշաբթի հայտնել են ՌԴ պաշտպանության նախարարությունից, գրում է Ինտերֆաքսը։
«ՀԱՊԿ խաղաղապահները պահպանում են օդանավակայանները, հացաբուլկեղենի արտադրության գործարանները, ՋԷԿ-երը, հեռուստակենտրոնները, ջրի պոմպակայանները, ռազմական պահեստները, զինապահեստները և այլ կարևոր պետական, ռազմական և սոցիալական նշանակության օբյեկտները, այդ թվում հսկողության տակ են վերցված ՋԷԿ-1, ՋԷԿ-2, ՋԷԿ-3-ը, Ալմաթիի հացաբուլկեղենի կոմբինատը, «Դրուժբա» քաղաքային ջրատարը, Ալմաթի-Տելեկոմ երեք հեռահաղորդակցության կենտրոնները»,- ասվում է հաղորդագրության մեջ։
Նշվում է, որ վերջին օրերին ՀԱՊԿ խաղաղապահ ուժերի հսկողության տակ են վերցվել 5 սոցիալական նշանակության կարևոր օբյեկտներ։ Բացի այդ, ՀԱՊԿ խաղաղապահների պատասխանատվության գոտիներում իրավիճակը վերահսկելու համար անօդաչու թռչող սարքերի ստորաբաժանումներ են օգտագործվում։
Տաթև Ֆռանգյան
