26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Ղազախստանից ՀԱՊԿ ուժերի դուրսբերումը կսկսվի երկու օրից․ Տոկաև
Քաղաքականություն
11.01.2022 | 11:12
Ղազախստանից ՀԱՊԿ ուժերի դուրսբերումը կսկսվի երկու օրից․ այս մասին ՌԻԱ Նովոստիի հաղորդմամբ հայտարարել է հանրապետության նախագահ Կասիմ-Ժոմարտ Տոկաևը։
«ՀԱՊԿ խաղաղապահ ուժերի հիմնական առաքելությունը հաջողությամբ ավարտվել է, երկու օրից կսկսվի ՀԱՊԿ խաղաղապահների միավորված զորախմբի փուլային դուրսբերումը: Գործընթացը <…> կտևի ոչ ավելի, քան տասը օր»,- ասել է նա՝ ելույթ ունենալով խորհրդարանի պատգամավորների առջև։
Հիշեցնենք, որ ՀԱՊԿ Հավաքական անվտանգության խորհուրդը Հավաքական անվտանգության պայմանագրի 4-րդ հոդվածի համաձայն՝ որոշում էր կայացրել սահմանափակ ժամանակահատվածով Ղազախստանի Հանրապետություն ուղարկել ՀԱՊԿ հավաքական խաղաղապահ ուժեր: Հայաստանից Ղազախստան էին մեկնել շուրջ 100 խաղաղապահներ։
Տաթև Ֆռանգյան
