Հայաստանը մեծ սխալ է գործել` խաղաղապահ զորք ուղարկելով  Ղազախստան, այդպես դարձել է մեղսակից․ Փոլ Գոբլ

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Ղազախների ապստամբությունը պատասխանն է այն անպաշտպան իրավիճակի, որում նրանք հայտնվել են իրենց կառավարության սխալ քաղաքականության հետևանքով․ Factor.am-ի հետ զրույցում այսպիսի կարծիք հայտնեց ամերիկացի վերլուծաբան Փոլ Գոբլը՝ խոսելով այս օրերին Ղազախստանում տեղի ունեցող զարգացումների վերաբերյալ։

«Տարբեր մարդիկ, այդ թվում՝ կառավարության և Կրեմլի ներսում գտնվող խմբերը, փորձում են շահարկել իրավիճակը»,- նկատեց նա։

Փոլ Գոբլը, խոսելով Ղազախստանում ծավալվող իրադարձություններում  Ռուսաստանի դերի մասին, նշեց, որ Մոսկվայի նպատակն է՝ այնպես անել, որ փողոցը երբեք չկարողանա տապալել նախկին խորհրդային տարածքում իշխանության ղեկին գտնվողներին։  «Ռուսաստանը նաև ձգտում է ընդլայնել իր ազդեցությունն ու նույնիսկ վերահսկողությունն այդ երկրներում: Նա չէ բողոքի ակցիաներ ստեղծողը, բայց շահագործում է դրանք այդ նպատակով»,- ասաց նա։

Խոսելով արդեն ներղազախստանյան զարգացումներում ՀԱՊԿ-ի, այդ թվում Հայաստանի ներգրավվածության մասին՝ ամերիկացի վերլուծաբանը  նշեց՝ Հայաստանը մեծ սխալ է գործել խաղաղապահ զորք ուղարկելով։ Այդպես, ըստ նրա, պաշտոնական Երևանը դարձել է մեղսակից․ փորձել է ճնշել այլ երկրի ժողովրդի։ «Այդ մասնակցությունը հետագայում կարող է շրջվել Հայաստանի դեմ»,- ասաց նա։

Պատասխանելով դիտարկմանը, թե Արևմուտքը ինչ դիրքորոշում ունի Հայաստանի այդ քայլի վերաբերյալ, նա նշեց, որ չի կարծում, որ Արևմուտքն այս հարցում  որևէ եզրակացության արդեն եկել է։ Ամեն դեպքում, նրա խոսքով, ավելի լավ կլիներ, որ Հայաստանը մի կողմ կանգներ։

«Բայց Երևանն արդեն խառնվել է, պետք է հիմա պարզապես խուսափի ավելի խորանալուց»,-   իր խոսքը եզրափակեց ամերիկացի վերլուծաբանը։

Հիշեցնենք, որ Ղազախստանում մի քանի օր շարունակվող բողոքի զանգվածային ակցիաները վերաճեցին բախումների, ցուցարարները գրավեցին Ալմաթիի օդանավակայանը:

Նշենք, որ Ղազախստանի նախագահ Ժոմարդ Տոկաևը հայտարարեց, որ օգնություն է խնդրել ՀԱՊԿ գործընկերներից՝«ահաբեկչական սպառնալիքը» հաղթահարելու համար: Տոկաևի հայտարարությունից հետո ՀԱՊԿ Հավաքական անվտանգության խորհրդի նախագահ, Հայաստանի վարչապետ Նիկոլ Փաշինյանը հայտարարեց, որ ՀԱՊԿ-ը հավաքական խաղաղապահ ուժեր է ուղարկում Ղազախստան:

Հայաստանից Ղազախստան է գործուղվել 100 հոգանոց խաղաղապահ զորք, որը, ըստ պաշտոնական հաղորդագրության, իրականացնելու է ռազմավարական նշանակության շենք-շինությունների և ենթակառուցվածքների պահպանության գործառույթներ։

Հռիփսիմե Հովհաննիսյան