14.09.2026 | 19:22
Պապիկյանը և Ֆրանսիայի դեսպանը քննարկել են գործակցության հեռանկարներին առնչվող հարցեր
Ադրբեջանում պատերազմի մասնակիցները կրկին բողոքում են․ նրանք ակցիա են անցկացրել ՊՆ շենքի մոտ
Քաղաքականություն
10.01.2022 | 17:04
Ադրբեջանում պատերազմի մի խումբ մասնակիցներ կրկին բողոքի ակցիա են անցկացրել պաշտպանության նախարարության շենքի առջև, հայտնում են ադրբեջանական լրատվամիջոցները։ Զինծառայողները դժգոհում են, որ զրկվել են զինվորական պարգևներից։
«Մեր արժանիքները չգնահատեցին՝ չնայած նախագահ Իլհամ Ալիևի հանձնարարել էր պարգևատրել պատերազմի բոլոր մասնակիցներին, նրանց նկատմամբ ուշադրություն ու հոգատարություն ցուցաբերել։
Թիկունքում ծառայածները մեդալներ են ստացել, իսկ մեր մասին մոռացել են»,-ասել է ակցիայի մասնակիցներից մեկը։ Ակցիայի մեկ այլ մասնակից էլ ասել է, որ ԳՇ նախկին պետ Նաջմեդդին Սադիկովի ընտանիքի վարորդը 4 մեդալ է ստացել, այնինչ պատերազմի իրական մասնակիցները՝ ոչ։ Բողոքի ակցիայի մասնակիցներից մեկ ուրիշն էլ նշել է, որ պատերազմից հետո ծառայել են վատ պայմաններում ու տարբեր հիվադություններ ձեռք բերել։
Հավելենք, որ պատերազմի ադրբեջանցի մասնակիցները պարբերաբար բողոքի ակցիաներ են կազմակերպում պետական գերատեսչությունների շենքերի մոտ՝ տարբեր պահաջներ ներկայացնելով։
Էմմա Չոբանյան
