16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Կորոնավիրուսի «օմիկրոն» շտամը չի դասվում «թեթևների» շարքին․ ԱՀԿ
Քաղաքականություն
07.01.2022 | 17:49
Կորոնավիրուսի «օմիկրոն» շտամը չի դասվում «թեթևների» շարքին, չնայած «դելտայի» համեմատ՝ ավելի պակաս լուրջ է թվում։ Այս մասին ճեպազրույցի ժամանակ հայտարարել է ԱՀԿ գլխավոր քարտուղար Թեդրոս Ադհանոմ Գեբրեյեսուսը, գրում էkorrespondent-ը։
«Չնայած «օմիկրոնն» իսկապես պակաս վտանգավոր է թվում «դելտայի» համեմատ, հատկապես՝ պատվաստվածների համար, սա չի նշանակում, որ այն պետք է դասել «թեթևների» շարքին։ Ինչպես և նախորդ շտամների պարագայում, «օմիկրոնը» հանգեցնում է մարդկանց հոսպիտալացման և սպանում է մարդկանց։ Փաստացի, դեպքերի ցունամին այնքան մեծ է և բարձր, որ խաթարում է ողջ աշխարհում առողջապահական համակարգը»,- հայտարարել է Գեբրեյեսուսը։
ԱՀԿ գլխավոր տնօրենը նաև նշել է, որ նոր շտամի պատճառով հիվանդանոցները դառնում են գերծանրաբեռնված, ինչը հանգեցնում է հիվանդների մահվան ոչ միայն COVID-19-ից, այլ նաև այլ հիվանդություններից և վնասվածքներից, քանի որ հիվանդները չեն կարողանում ժամանակին օգնություն ստանալ։
Գեբրեյեսուսը կոչ է արել մարդկանց պատվաստվել և հետևել սոցիալական միջոցառումներին, ինչպես նաև պնդել է ամբողջ աշխարհում պատվաստանյութերի հավասար բաշխման հարցում։
Նախօրեին հաղորդվել էր, որ Հնդկաստանում գրանցվել է «օմիկրոն» շտամից մահվան առաջին դեպքը։ Մինչ այդ, այս մուտացիայից մահվան դեպքեր էին գրանցվել մի քանի այլ երկրներում։
Տաթև Ֆռանգյան
