19.05.2026 | 11:20
Դիմում ենք Հայաստանում հավատարմագրված դեսպաններին ու դիտորդներին. «Հայաստան» դաշինքի հայտարարությունը
Այսօր Ղազախստանի նախագահը կդիմի ժողովրդին
Քաղաքականություն
07.01.2022 | 10:46
Ղազախստանի նախագահ Կասիմ-Ժոմարտ Տոկաևը ուրբաթ օրը ուղերձով հանդես կգա ու կդիմի երկրի ժողովրդին։ Այս մասին հայտնում է ՏԱՍՍ-ը:
«Այսօր Ղազախստանի նախագահ Կասիմ-Ժոմարտ Տոկաևը կդիմի Ղազախստանի ժողովրդին»,- հայտնել է պետության ղեկավարի պաշտոնական ներկայացուցիչ Բերիկ Ուալին:
Հիշեցնենք, որ Ղազախստանում զանգվածային բողոքի ակցիաներ էին սկսվել հունվարի 2-ից։ Սկզբում Ժանաօզեն և Ակտաու քաղաքների բնակիչները դուրս էին եկել փողոց իրենց բողոքի ձայնը բարձրացնելու գազի թանկացման հետ կապված։ Ավելի ուշ բողոքի ակցաները տարածվել էին ամբողջ երկրով մեկ։ Իշխանությունները հայտնել էին, որ կվերանայեն գազի գինը, սակայն երկրում իրավիճակը չէր կայունացել։
Ղազախստանի նախագահ Կասիմ-Ժոմարտ Տոկաևը, բողոքի ցույցերի համատեքստում, հայտարարել էր, որ այսուհետ ինքն է Ղազախստանի Անվտանգության խորհրդի ղեկավարը։
