10.10.2026 | 12:34
ԱՄՆ-ի և ՌԴ-ի միջև դիզվառելիքի վերաբերյալ համաձայնությունը ներդրում է պատերազմի մեջ․ Զելենսկի
Հայտնի են պետական ավարտական քննությունների օրերը
Հասարակություն
05.01.2022 | 11:33
Հանրապետությունում հունվարի 11-ից կմեկնարկեն 2021-2022 ուսումնական տարվա 12-րդ դասարանցիների համար նախատեսված պետական ավարտական քննությունները:
Ինչպես տեղեկացրին ՀՀ ԿԳՄՍ նախարարության Գնահատման և թեստավորման կենտրոնից, առաջին ավարտական քննությունը կանցկացվի Հայոց լեզու և գրականություն առարկայից՝ հունվարի 11-ին: Հայոց պատմություն առարկայից նախատեսված քննությունը կանցկացվի հունվարի 12-ին, իսկ Մաթեմատիկա առարկայից՝ հունվարի 14-ին:
Ռուսերենով ուսուցմամբ դասարանների սովորողների համար Ռուսաց լեզու և ռուս գրականություն առարկաներից քննությունը կանցկացվի արդեն քննաշրջանի ընթացքում: Նույն ժամանակահատվածում Մայրենի լեզու և գրականություն առարկայից քննություն կանցկացվի ազգային փոքրամասնությունների դասարանների սովորողների համար:
Բոլոր նրանք, որոնք հունվար ամսին չեն հանձնի ավարտական քննությունները, կարող են հանձնել հունիսին:
