17.12.2025 | 13:37
Փաշինյանի թեկնածությունը հաստատվել է ՔՊ ընտրական ցուցակում
ՌԴ-ում թվային անձնագիր տրամադրելիս թղթային անձնագիրը չեղյալ կհամարվի
Հասարակություն
02.01.2022 | 18:59
Միաժամանակ երկու վավեր անձնագիր Ռուսաստանի քաղաքացիները չեն կարող ունենալ։ Ռուսաստանի ՆԳՆ-ում պարզաբանել են, որ տեղեկատվության էլեկտրոնային կրիչով ՌԴ քաղաքացու անձնագիր տալու դեպքում նախկինում տրված թղթային անձնագիրը կչեղարկվի:
Ընդ որում, համաքաղաքացիական էլեկտրոնային անձնագրի և արտասահմանյան անձնագրի տրամադրումը փոխկապակցված չէ։ Այս երկու փաստաթղթերը նախկինի պես տարբեր իրավական ուժ կունենան, փոխանցում է ՏԱՍՍ-ը։
Ավելի վաղ Ռուսաստանի ՆԳՆ միգրացիայի հարցերով գլխավոր վարչության պետ Վալենտինա Կազակովան հայտնել էր, որ պլաստիկ քարտերի ձևաչափով քաղաքացիներին անձնագրերի զանգվածային տրամադրումը նախատեսվում է սկսել 2023 թվականի հունվարից:
Թվային անձնագրեր տրամադրելը նախատեսվում է կամավոր հիմունքներով Ռուսաստանի քաղաքացիներին՝ սկսած 14 տարեկանից:
