28.04.2026 | 16:59
Մոսկվայի հյուսիսում կառուցվող շենքում հրդեհ է բռնկվել. յոթ մարդ զոհվել է
«Թուրքիան ԱՄՆ-ի համար պոտենցիալ թշնամի է». Դոնալդ Թրամփի նախկին խորհրդական
Քաղաքականություն
13.04.2018 | 17:11
ԱՄՆ-ի նախագահ Դոնալդ Թրամփի ազգային անվտանգության հարցերով նախկին խորհրդական, ամերիկացի վերլուծաբան, Մայքլ Ֆլինը ամերիկյան «The Washington Examiner» պարբերականում «Թուրքիան կարող է ԱՄՆ-ի հետ պատերազմի մեջ մտնել » վերնագրով հոդված է հրապարակել. փոխանցում է ermenihaber-ը:
Ըստ հեղինակի՝ ներկայիս թուրք-ամերիկյան հարաբերությունները երբեք այնպես վատ չեն եղել, ինչպես հիմա: Եվ արդեն մշուշոտ չէ այն կանխատեսումը, որ Թուրքիան և ԱՄՆ-ն կարող են պատերազմել միմյանց դեմ։
Այժմ աշխարհում նոր «Սառը պատերազմ» է ընթանում, սակայն տարբերությունն այն է, որ Թուրքիան այժմ ոչ թե ԱՄՆ-ի կողքին է, այլ՝ Ռուսաստանի։
Հեղինակն ամերիկյան ղեկավարության և Թուրքիայի նախագահ Ռեջեփ Թայիփ Էրդողանի հարաբերությունները նմանեցրել է Իրաքի նախկին նախագահ Սադդամ Հուսեյն-ԱՄՆ հարաբերություններին։
Այս իրավիճակում Ֆլինը Վաշինգտոնին նախ առաջարկում է Թուրքիայում գտնվող Ինջիրլիք ռազմաբազայից դուրս բերել ամերիկյան զինանձնակազմը, ինչպես նաև այնտեղ գտնվող ամերիկյան միջուկային սպառազինությունը։ Բացի դրանից առաջարկվում է խզել բոլոր տեսակի բանակցությունները՝ կապված ամերիկյան արտադրության նոր սերնդի «F-35» ռազմական ինքնաթիռները Թուրքիա մատակարարելու հետ։
«Թող պատմաբանները քննարկեն, թե ով է կորցրել Թուրքիային, սակայն մի բան ակնհայտ է. Թուրքիան արդեն ոչ թե բարեկամ և դաշնակից երկիր է, այլ հակառակորդ և պոտենցիալ թշնամի է»,-գրում է Ֆլինը։
