27.07.2026 | 18:40
Սամվել Կարապետյանը դատական հայց է ներկայացրել ԿԿՀ-ի դեմ
ԱՄՆ Պետքարտուղարությունը կոչ է անում Ադրբեջանին՝ անհապաղ ազատ արձակել բոլոր հայ ռազմագերիներին
30.12.2021 | 12:34
ԱՄՆ Պետքարտուղարության Եվրոպայի ու Եվրասիայի հարցերի բյուրոն անդրադարձել է նախօրեին Ադրբեջանից 5 հայ ռազմագերիների վերադարձին ու կոչ արել ազատ արձակել մյուս գերիներին ևս։
«Մենք ողջունում ենք դեկտեմբերի 29-ին Ադրբեջանի կողմից 5 հայ զինծառայողների վերադարձը, որոնք ձերբակալվել էին 2021 թվականի նոյեմբերի 16-ին։ Մենք կոչ ենք անում ամբողջովին ու անհապաղ ազատ արձակել մնացած պատանդներին, փոխանակել աճյունները և անհետ կորածներին։ Մենք ընդգծում ենք միջազգային պարտավորություններին համապատասխան պահվող անձանց նկատմամբ մարդասիրական վերաբերմունքի կարևորությունը»,- ասվում է բյուրոյի թվիթերյան գրառման մեջ։
Հիշեցնենք, որ նախօրեին Ադրբեջանը Հունգարիայի միջդնորդությամբ Հայաստանին էր վերադարձրել նոյեմբերի 16-ին գերեվարված 5 զինծառայողի։
Էմմա Չոբանյան
