19.05.2026 | 18:15
Սամվել Կարապետյանը՝ ФСБ-ի հետ կապի մասին // Օվերչուկը հայտարարել է՝ կքննարկեն ԵՏՄ-ում ՀՀ-ի կարգավիճակը․ ԼՈՒՐԵՐ
Իրանը բալիստիկ հրթիռների փորձարկում է իրականացրել
Քաղաքականություն
26.12.2021 | 10:47
Իրանի բանակը հնգօրյա զորավարժությունների ավարտին բալիստիկ հրթիռների մի քանի արձակում է իրականացրել։ Այս փորձարկումները նախազգուշացում են Իսրայելին, հայտարարել է իրանական բանակի գլխավոր հրամանատար Մոհամմադ Բաղերին: Korrespondent.net-ի փոխանցմամբ՝ նա ասել է, որ երկիրն ունի հարյուրավոր հրթիռներ, որոնք «կարող են ոչնչացնել այն երկիրը, որը կհամարձակվի հարձակվել Իրանի վրա»:
Իրանական հեղափոխության պահապանների կորպուսի (ԻՀՊԿ) ղեկավար Հոսեյն Սալամին նույնպես սպառնալիքներ է հնչեցրել Իսրայելի հասցեին՝ նշելով, որ Իրանում տեղի ունեցած զորավարժությունները ամենալուրջ նախազգուշացումն են Սիոնիստական ռեժիմի ներկայացուցիչներին:
«Եթե նրանք փոքր-ինչ սխալ գործեն, մենք կկտրենք նրանց ձեռքը»,- ասել է Սալամին:
Զորավարժությունները սկսվել են դեկտեմբերի 20-ին Պարսից ծոց ելք ունեցող երեք նահանգների տարածքում ՝ Բուշեր, Հորմոզգան և Խուզեստան:
Մեծ Բրիտանիայի կառավարությունը խստորեն դատապարտել է այդ զորավարժությունների ընթացքում բալիստիկ հրթիռների արձակումը։
