07.11.2024 | 16:33
Օրենքը գրելիս, որ շատ մտածեինք, գուցե ասեինք՝ անտառապահները մնան որպես ժամանակավոր էկոպարեկներ․ ՏԵՍԱՆՅՈՒԹ
Թուրքիան կարող է գլխավորել ՆԱՏՕ-ի հակառուսական գործողությունները Դոնբասում
Քաղաքականություն
24.12.2021 | 16:07
Թուրքիան կարող է մասնակցել ՆԱՏՕ-ի հակառուսական ռազմական գործողությանը Դոնբասում, նույնիսկ գլխավորել այն։ Այս մասին գրել է Haberturk-ի սյունակագիր Չեթիներ Չեթինը։
Ըստ նրա՝ ՆԱՏՕ-ն առաջին անգամ պատրաստվում է կոնկրետ քայլերով պատասխանել Ռուսաստանին՝ Ուկրաիայում լարվածության հետ կապված, և փաստը, որ ՆԱՏՕ-ի հնարավոր միջամտության ուժերի հրամանատարությունը գտնվում է Թուրքիայում, գործընթացն Անկարայի համար շատ ավելի կարևոր է դարձնում։
Հեղինակը գրում է, որ վերջերս լրատվամիջոցներում տեղեկություններ են հայտվել Արևմուտքի կողմից ՆԱՏՕ-ի արագ արձագանքման բազա հատուկ ռազմական 35-40․000-անոց ստորաբաժանման տեղափոխման մասին, որի հիմք է համարվում բարձր պատրաստականության միացյալ աշխատանքային խումբը (VJTF): ՆԱՏՕ-ի անդամները հերթով ղեկավարում են VJTF-ը, իսկ 2021թ․ դրա ղեկավարումը գտնվում է Թուրքիայում։
Չեթինը նշում է, որ Անկարայի համար շատ վտանգավոր իրավիճակ է և պետք է չափազանց զգույշ լինել։ Նա գրում է, որ արդյունքում Թուրքիան կարող է հայտնվել «ավելի խորը ճգնաժամում Մոսկվայի հետ հարաբերություններում, քան 2015-ին ռուսական ինքնաթիռի խոցումից հետո»։
Ըստ հոդվածագրի՝ աշխարհը վերջին տասը տարիներին արմատապես փոխվել է։ Ինչը չի փոխվել, այն է, որ տնտեսությունը դեռևս կարևորագույն գործոն է՝ երկրների հզորությունը չափելու համար։ Միայն տնտեսական հաջողությունն է թույլ տալիս Չինաստանին ընդլայնվել: Ռուսաստանն էլ, ըստ նրա, շատ հետ է մնացել այս գործընթացում, բայց իր ռազմական հզորությունն է դնում խաղի մեջ, սառը պատերազմը վերադարձել է, որը երկար է տևելու։
Թուրք լրագրողը նշում է, որ այն բանից հետո, երբ Պուտինը զորքեր կուտակեց ուկրաինական սահմանին, ամբողջ Եվրոպան վտանգված է զգում։ Նա նաև գրում է, որ ուկրաինական ճգնաժամն է՛լ ավելի է խորանալու, դրա համար պետք է շատ զգույշ լինել։
Էմմա Չոբանյան
