16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Պուտինը հայտարարել է, որ ՌԴ-ն և Չինաստանը համատեղ բարձրտեխնոլոգիական զենք են մշակում
Քաղաքականություն
23.12.2021 | 18:10
Ռուսաստանն ու Չինաստանը համատեղ բարձրտեխնոլոգիական զենք են մշակում։ Այս մասին հայտարարել է ՌԴ նախագահ Վլադիմիր Պուտինն ամենամյա մեծ ասուլիսի ժամանակ, գրում է ՌԻԱ Նովոստին։
«Չինաստանի բանակը մեծամասամբ համալրված է ամենաառաջադեմ զինատեսակների համակարգերով։ Մենք միասին նույնիսկ առանձին բարձրտեխնոլոգիական տիպի զենքեր ենք մշակում։ Մենք աշխատում ենք տիեզերքում, ավիացիայի ոլորտում՝ և՛ ինքնաթիռների, և՛ ուղղաթիռների հարցով։ Եվ, վերջապես, մենք զարգացնում ենք համագործակցությունը զինված ուժերի միջև։ Դա և՛ համատեղ մասնակցությունն է միջազգային ռազմական խաղերին, և՛ համատեղ պարեկությունը ծովում և օդում»,- ասել է ՌԴ նախագահը։
Նա, սակայն, չի մանրամասնել, ինչ զինատեսակների մասին է խոսքը։
Էմմա Չոբանյան
