14.09.2026 | 12:10
Հայաստան գազամատակարարումը ժամանակավոր կդադարեցվի // Լռության րոպե ԱԺ-ում՝ 2022-ի զոհերի հիշատակին․ ԼՈՒՐԵՐ
Կհանդիպեն Վրաստանի նախկին նախագահներ Սաակաշվիլին ու Մարգվելաշվիլին
Քաղաքականություն
22.12.2021 | 22:48
Հատուկ քրեակատարողական ծառայությունը բավարարել է Վրաստանի նախկին նախագահ Գիորգի Մարգվելաշվիլիի խնդրանքը։ Գերատեսչության տվյալներով՝ համապատասխանաբար նրան հնարավորություն կտրվի դատապարտված Միխեիլ Սաակաշվիլիի հետ հանդիպել Գորիի զինվորական հոսպիտալում, փոխանցում է Վրաստանի առաջին ալիքը։
Գիորգի Մարգվելաշվիլին դեկտեմբերի 20-ին դիմել է Հատուկ քրեակատարողական ծառայություն՝ դատապարտյալ Միխեիլ Սաակաշվիլիի հետ հանդիպելու համար։ Հատուկ քրեակատարողական ծառայությունը բավարարել է խնդրանքը, քանի որ բուժանձնակազմի առաջարկությամբ Միխեիլ Սաակաշվիլիի առողջական վիճակը թույլ է տալիս հանդիպել, և ծառայությունը հակասական դիրքորոշում չունի։
«Այստեղ լրացուցիչ բացատրում ենք, որ Հատուկ քրեակատարողական ծառայությունը ամեն կերպ փորձում է աջակցել յուրաքանչյուր մեղադրյալի/դատապարտյալի՝ օրենքով իրեն վերապահված իրավունքների լիարժեք իրացման գործում»,- ասվում է գործակալության տարածած հաղորդագրության մեջ։
