19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Արմեն Մելիքբեկյանը խոսել է հայկական ակումբների փակման պատճառների մասին
20.12.2021 | 16:25
Հայաստանի ֆուտբոլի ֆեդերացիայի նախագահ Արմեն Մելիքբեկյանը ներկայացրել է հայկական երեք ակումբների փակման պատճառները:
«Հայաստանի ֆուտբոլի ֆեդերացիան չի փորձում ամեն ինչ ասել դեպքերից անմիջապես հետո, քանի որ հարգում է անմեղության կանխավարկածը: Մենք չեն հայտարարում ամեն ինչի մասին նախապես, որ ճնշում չգործադրենք կարգապահական և բողոքարկման կոմիտեների վրա, որոնք անկախ մարմիններ են»,-«Արմենպրես»-ի հաղորդմամբ` լրագրողների հետ զրույցում ասել է Մելիքբեկյանը:
Վերջինս պարզաբանել է, որ «Գանձասար-Կապան»-ի՝ Հայաստանի առաջնությունը լքելու իրական պատճառներից մեկը մրցավարական անձնակազմի հետ վիճաբանությունն է, որն ավարտվել է ծեծկռտուքով: Դրա համար թիմին սպասում էր երկարաժամկետ որակազրկում:
«Գուցե պատահականություն է, բայց լինում է այնպես, որ ակումբները սկսում են աղմուկ բարձրացնել հավաքականի խաղերից առաջ: «Լոռի» ֆուտբոլային ակումբի փակվելու իրական պատճառը ֆեդերացիայի հետ տարաձայնությունները չեն, այլ՝ պարտքերը, քանի որ ֆուտբոլիստները դիմել էին ՖԻՖԱ-ին: Իսկ «Սևան» ֆուտբոլային ակումբի տարածած հաղորդագրությունը մեծ մանիպուլյացիա էր: «Սևան»-ի փաստացի ղեկավարները «Նոա»-ի հետ խաղից հետո ծեծի էին ենթարկել մրցավարին, որի փաստացի ապացույցները կան: Մենք այս արատավոր երևույթների լուծումը տալու ենք աշխատանքային ճանապարհով: Ֆեդերացիան չէ, որ ծեծի է ենթարկել մրցավարին»,- հստակեցրել է Արմեն Մելիքբեկյանը:
