Քաղաքականություն
20.12.2021 | 17:00«Իրենք փաստաթղթերը ստանում են կա՛մ Ռուսաստանից, կա՛մ Ադրբեջանից, որ ասում են՝ հիմնավոր փաստաթղեր, իրենք աշխատում են այդ ուղղությամբ, բայց փաստեր չենք տեսնում: Ինչ վերաբերում է զորքերի հետ քաշվելուն, այն ժամանակ ռուսական զորքերը սահմանից առաջ էին կանգնած, երբ որ ռուսական զորքերը թողեցին, հետ եկան ու կանգնեցին ուղիղ սահմանի վրա, մերոնք ուրիշ կերպ չէին կարող վարվել. դա է տեղի ունեցել՝ Փելասարի հենակետն է հետ դրվել»,- Factor.am-ի հետ զրույցում նշեց «Քաղաքացիական պայմանագիր» խմակցության պատգամավոր, ՊՆ նախկին փոխնախարար Գագիկ Մելքոնյանը՝ անդրադառնալով դիտարկմանը, որ «Հայաստան» խմբակցության պատգամավոր Գեղամ Մանուկյանը պնդում է, որ գրավոր փաստաթղթի հիման վրա են Սյունքիում հայկական զորքերը հետ քաշվել:
«Փաստաթղթի մասին ես ոչ մի տեղեկություն չունեմ, եթե Գեղամ Մանուկյանը որևէ տեղեկություն ունի, որ ադրբեջանցիները կամ ռուսներն են իրեն ցույց տվել, ուրիշ խնդիր է, իրենք կապ ունեն իրար հետ, կարող են տեսնել»,- նշեց պատգանավորը:
Դիտարկմանը, թե Մանուկյանը նշում է, որ հայաստանյան գերատեսչություններին (ՊՆ, ԳՇ և այլն) ուղղված հարցումների հիման վրա է այդ պնդումն անում, Մելքոնյանն արձագանքեց. «Ես տեղյակ չեմ նմանատիպ բանի մասին»:
Մանրամասները՝ տեսանյութում:
