Երբ Էրդողանն ընտրում է մեկին, որն ամբողջությամբ ժխտում է ցեղասպանությունը, հիմար պետք է լինենք, որ չհասկանանք ուղերձը․ Արամ Համբարյանը՝ Սերդար Քըլըչի նշանակման մասին

Լուրեր

17.11.2026 | 13:37
Քոչարյանը միակն է ՀՀ-ում, որ Հեյդար Ալիևից երաշխավորագիր է ստացել. Վահագն Ալեքսանյան․ ՏԵՍԱՆՅՈՒԹ
17.11.2026 | 13:35
Հայ ծանրորդները կմասնակցեն Օլիմպիական վարկանշային մրցաշարի
17.11.2026 | 13:26
Եվրոպայի համար կարևոր է՝ թույլ չտալ Ռուսաստանի ազդեցության ուժեղացումը Հարավային Կովկասում․ Գերմանիայի ԱԳ նախարար
17.11.2026 | 13:19
Էդգար Ղազարյանը Արթուր Սարգսյանի բացակայության վերաբերյալ հարցեր ուղղեց. Ռուբինյանը չպատասխանեց․ ՏԵՍԱՆՅՈՒԹ
17.11.2026 | 13:16
Գևորգ Ստեփանյանի ճեպազրույցը. ՈւՂԻՂ
17.11.2026 | 13:15
Արմեն Գրիգորյանին ՔՊ-ից հեռացնելու հարց չի քննարկվում. Հասմիկ Հակոբյան
17.11.2026 | 13:07
Ռուսաստանը զանգվածային հարված է հասցրել Ուկրաինային․ Կիևում վնասվել է երկու կամուրջ
17.11.2026 | 13:04
«Բոլոր արժեքները պղծած». ԱԺ-ում հարվածում են սեղաններին Գարեգին Բ-ի աշխարհիկ անունը հնչելուց հետո․ ՏԵՍԱՆՅՈՒԹ
17.11.2026 | 12:59
Ենթադրում եմ` տիկին Հակոբյանի ելույթին եք հղում անում. խցանումները կապ չունեն շինթույլտվությունների հետ. Ավինյան․ ՏԵՍԱՆՅՈՒԹ
17.11.2026 | 12:50
Մասիս Մելքոնյանին գաղտնալսելու թույլտվությունը տվել է Ժորա Չիչոյանը
17.11.2026 | 12:42
Հայելու մեջ նայե՛ք, հասկացեք` ինչ տիպի չկաք. փոխքաղաքապետը` ընդդիմությանը․ ՏԵՍԱՆՅՈՒԹ
17.11.2026 | 12:36
Տիգրան Ավինյանի ճեպազրույցը՝ ՈւՂԻՂ
17.11.2026 | 12:34
«Խորոված էիք անում, երբ ժողովրդավարության բարձր ցուցանիշ կար». ընդդիմության առաջարկը մերժվեց․ ՏԵՍԱՆՅՈՒԹ
17.11.2026 | 12:28
Ուկրաինական ԱԹՍ-ների հարվածի հետևանքով Բաշկորտոստանում հրդեհ է բռնկվել «Գազպրոմի» գործարանում
17.11.2026 | 12:18
Երևանում մեկնարկել են հայկական երկաթուղու շուրջ հայ-ռուսական քննարկումները
Բոլորը

Մենք պատմությունից շատ լավ գիտենք Թուրքիայի՝ հայերի նկատմամբ մտադրությունները, և դրանք ամիսների, տարիների չեն, այլ հարյուրամյակների և դրանք ցեղասպանական են։ Այս մասին Factor.am-ին ասաց Հայ դատի Ամերիկայի հանձնախմբի տնօրեն Արամ Համբարյանը՝ անդրադառնալով հայ-թուրքական հարաբերությունների հնարավոր կարգավորմանը և դրա համար Թուրքիայի կողմից հատուկ պատվիրակի ընտրությանը՝ Վաշինգտոնում Թուրքիայի նախկին դեսպան Սերդար Քըլըչին։

«Դարերի պատմությունը մեզ ապացույց է․ Թուրքիան վերցրեց Արևմտյան Հայաստանը, Ադրբեջանը՝ Նախիջանը, հիմա էլ Ադրբեջանը վերցրել է Արցախի մի մասը։ Սրանք հանգամանքներ են, որոնց պետք է ուշադրություն դարձնենք։ Թուրքիան խաբում է, երբ հայտնում է Հայաստանի հետ հարաբերությունների կարգավորման վերաբերյալ ցանկության մասին։ Թուրքիան մի բան ասում է, մեկ այլ բան անում։ Ադրբեջանը հարձակվում է Հայաստանի վրա, որից հետո Թուրքիան խոսում է հարաբերությունների կարգավորման մասին․ սա միջոց է քննադատությունն իրենց վրայից գցելու։ Այդպես մենք պետք է իրավիճակն ընկալենք։ Միայն երեխան կհավատա Թուրքիային»,- ասաց նա՝ նշելով, որ չպետք է տուրք տալ նաև միջազգային հանրության քննադատությանը, որը կարող է լինել, եթե մենք հրաժարվենք Թուրքիայի հետ հարաբերությունների կարգավորման գործընթացից։ Ըստ նրա՝ չպետք է թույլ տանք նախորդ սերունդների սխալները, պետք է ճիշտ, այլ ոչ թե պոպուլյար քայլեր անենք։

Հիշեցնենք, որ Թուրքիայի արտաքին գործերի նախարար Մևլեթ Չավուշօղլուն հայտարարել էր, որ պաշտոնական Երևանը և Անկարան հարաբերությունների կարգավորմանն ուղղված հստակ քայլեր ձեռնարկելու պատրաստակամություն են հայտնում և երկուստեք հատուկ ներկայացուցիչներ կնշանակեն: Երևանը նույնպես հաստատել էր լուրը՝ նշելով, որ պատրաստ ենք հարաբերությունների կարգավորման՝ առանց նախապայմանների։ Օրեր անց Թուրքիան հայտնել էր, որ Հայաստանի հետ բանակցություններում որպես իր հատուկ ներկայացուցիչ կնշանակի ԱՄՆ-ում Թուրքիայի նախկին դեսպան Սերդար Քըլըչին։

Նշենք, որ Քըլըչը կադրային դիվանագետ է, ծառայության մեջ է 1984 թվականից։  Նա 2008-2010 թվականներին եղել է Լիբանանում Թուրքիայի դեսպանը, 2012-2014 թվականներին՝ Ճապոնիայում Թուրքիայի դեսպանը, իսկ 2014-2021 թվականներին՝ ԱՄՆ-ում Թուրքիայի դեսպանը։ Բացի այդ, 2012-2014 թվականներին Քըլըչը զբաղեցրել է նաև Թուրքիայի ազգային անվտանգության խորհրդի գլխավոր քարտուղարի պաշտոնը։

Արամ Համբարյանի խոսքով՝ ինքը շատ լավ գիտի Սերդեր Քըլըչին․ նա ամեն ինչ արել է, որ ԱՄՆ Ներկայացուցիչների պալատը չճանաչի Հայոց ցեղասպանությունը, համարել է այն անհիմն մեղադրանք։

«Երբ Էրդողանի թիկնապահները ծեծեցին հայ և քուրդ խաղաղ ցուցարարներին Վաշինգտոնում, ես տեսա այնտեղ նրան, և տեսա հարձակումը։ Նա մեկն է, որին նշանակելով Էրդողանը ցանկանում է հասնել իր պայմանների կատարմանը։ Երբ Էրդողանը իր դիվանագետներից այդ գործի համար ընտրում է մեկին, որն ամբողջությամբ ժխտում է ցեղասպանությունը, հիմար պետք է լինենք, որ չհասկանանք ուղերձը։ Նա շատ անկեղծ է մեզ հետ»,- ասաց նա։

Այս իրավիճակում, ըստ Արամ Համբարյանի, Հայաստանը պետք է թույլ չտա Թուրքիային, որ իր պայմանները պարտադրի։ Իսկ Անկարան, նրա խոսքով, ցանկանալու է որպես քաղաքական, իրավական խնդիր դուրս մղել Ցեղասպանության հարցը, հայերը պետք է նաև մոռանան Արցախի, Արևմտյան Հայաստանի մասին։

«Նրանք պարզապես իրենց խուլիգան խաղն են խաղում․ խոսում են խաղաղությունից, բայց իրենց նախապայմաններն են պարտադրում։ Նրանք մի բանի տիրանալով՝ ավելին են ցանկանում։ Նորից պետք է պատմությանը նայենք դա հասկանալու համար։ Միամտություն է կարծելը, որ մի բան տալով՝ նրանց երջանկացնելու ենք։ Կան մարդիկ, որ հավատում են, որ մի ճանապարհ, մի «միջանցք» տալով՝ նրանք կբավարարվեն, և հայերը խաղաղ կապրեն։ Դա մանկամտություն է»,- ասաց նա։

Անդադառնալով հայկական կողմի դիրքորոշմանը, թե հարաբերությունների կարգավորման է գնում՝ առանց նախապայմաններ ընդունելու, Արամ Համբարյանը նորից շեշտեց, որ եթե երեկ ծնված լինեինք, գուցե հավատայինք, բայց եթե հետ ենք նայում արդեն 10 տարի առաջվա իրադարձություններին՝ հայ-թուրքական արձանագրություններին, երբ թուրքական կողմն առաջ քաշեց իր նախապայմանները Ղարաբաղի վերաբերյալ, հասկանում ենք, թե ինչ կարող է հիմա լինել։

«Պետք է ընդունել, որ Թուրքիան ազնիվ զրուցակից չէ, խաղաղության գործընկեր չէ»,- ասաց նա։

Հայ-թուրքական հարաբերությունների կարգավորման նախորդ փորձի ընթացքում սփյուռքում բողոքի ակցիաներ էին անցկացվում։ Պատասխանելով դիտարկմանը՝ հնարավո՞ր է նման իրավիճակի ականտեսը լինենք նաև հիմա, եթե սկսվի գործընթացը, Արամ Համբարյանը պատասխանեց․ «Մենք մեր քայլերի մասին ապագայում տեղյակ կպահենք»։

Հռիփսիմե Հովհաննիսյան