14.09.2026 | 16:23
Փաստաբան և Հարկադիրի նախկին պաշտոնյաներ են ձերբակալվել
Հայաստանը նախատեսում է վերականգնել դեպի Ադրբեջան երկաթուղու 45 կմ հատվածը
Քաղաքականություն
18.12.2021 | 16:37
Հայաստանի կառավարությունը նախատեսում է վերականգնել Երասխ-Ջուլֆա-Օրդուբադ-Մեղրի-Հորադիզ երկաթուղու 45 կմ հատվածը, որի համար մոտ 200 մլն դոլար կծախսվի: Այս մասին ՏԱՍՍ-ի թղթակցին հայտնել է Հանրապետության փոխվարչապետ Մհեր Գրիգորյանը:
«Ըստ փորձագետների նախնական գնահատականների՝ Հայաստանի տարածքով անցնող երկաթուղային գծերի հատվածների վերականգնման ինդիկատիվ արժեքը կկազմի մոտ 200 մլն դոլար: Երկաթուղային գծի երկարությունը (Հայաստանի տարածքով-խմբ․) կկազմի մոտ 45 կիլոմետր, իսկ ճանապարհի ընդհանուր երկարությունը՝ մոտ 340 կիլոմետր»,- նշել է Գրիգորյանը։
Հայաստանի փոխվարչապետի խոսքերով՝ Հայաստանը և Ադրբեջանը կապող երկաթուղային երթուղին գործելու է «երկաթուղային փոխադրումների իրականացման միջազգային ընդունված կանոններով, փոխադարձության սկզբունքներով, այն երկրների իրավասության ներքո, որոնց տարածքով անցնելու է»:
