17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
Անկարայում և Երևանում դեսպանատներ բացելն ապագայի հարց է. ինչո՞ւ ոչ. Մարիա Կարապետյան․ ՏԵՍԱՆՅՈՒԹ
Քաղաքականություն
15.12.2021 | 16:36
«Արդեն տևական ժամանակ է գիտենք, որ Հայաստանը դիմել էր Ռուսաստանին, որպեսզի նրա միջնորդությամբ հնարավորություն ստեղծվեր երկխոսության մեկնարկի համար: Կանխատեսելի էր, որ խոսակցություն պետք է տեղի ունենա Հայաստանի և Թուրքիայի ներկայացուցիչների մասնակցությամբ: Տարածաշրջանային 3+2 ֆորմատով ևս շփում եղել է»,- Factor.am-ի հետ զրույցում նշեց «Քաղաքացիական պայմանագիր» խմբակցության պատգամավոր Մարիա Կարապետյանը՝ անդրադառնալով դիտարկմանը, որ Հայաստանի և Թուրքիայի միջև հարաբերությունների կարգավորման համար հատուկ ներկայացուցիչներ նշանակելու մասին Թուրքիայի ԱԳՆ-ի և Հայաստանի ԱԳՆ-ն հայտարարություններ են տարածել և հարցին, թե ի՞նչ գործընթացներ են նախորդել այս հայտարարություններին:
Մարիա Կարապետյանը Թուրքիայի հետ երկխոսության գնալու հանգամանքը դրական է գնահատում. «Մենք պետք է խոսենք մեր հարևանների հետ, նույնիսկ բանավիճելու կամ մեր դիրքորոշումները հայտնելու համար,մենք չենք կարող անընդհատ միջնորդավորված կամ մեդիայով խոսել: Պետք է ուղիղ կապ լինի, որպեսզի հնարավոր լինի պահանջել պարզաբանումներ, դիրքորոշումների շտկումներ: Առերս հանդիպումները մի փոքր ավելի կառուցողական և դրական են»:
«Անկարայում և Երևանում դեսպանատներ բացելն ապագայի հարց է. ինչո՞ւ ոչ»,- ընդգծեց պատգամավորը:
Նա հավելեց, որ տեղեկություն չունի, թե ով է հայկական կողմի հատուկ ներկայացուցչի թեկնածուն:
Մանրամասները՝ տեսանյութում:
