Քաղաքականություն
13.12.2021 | 17:31«Ալիևն ասում է միջանցք տվեք, ընդդիմությունն էլ ասում է՝ երբ եք գնալու, որ մենք գանք իշխանության: Ընդդիմությունը պետք է օգնի, որ այս իշխանությունները կարողանան աշխատել»,- Factor.am-ի հետ զրույցում այս մասին նշեց «Քաղաքացիական պայմանագիր» խմբակցության պատգամավոր Գագիկ Մելքոնյանը:
Անդրադառնալով դիտարկմանը, որ ընդդիմության կարծիքով՝ իշխանությունը չի կարողանում լուծել ավտանգության խնդիրները, Մելքոնյանը նշեց. «Անվտանգային խնդիրները 30 տարի է կան, թուրքը մնացել է թուրք ու սադրանքներ է անում: Այո՛, ես իշխանությանը համարում եմ մեղավոր նրանում, որ հիմա շատ մարդիկ կալանավորված պետք է լինեին, «նստած» պետք է լինեին, որ այս երկիրը հանգիստ կերպով գնար առաջ: Ես միշտ հարց եմ տալիս՝ ինչո՞ւ նստած չեն այդ մարդիկ, որոնք ապակայունացնում են երկրի վիճակը: Ժողովուրդը երկաթ մանդատ է տվել, հիմա պիտի իշխանությունները արագ ձևով երկաթե մանդատը օգտագործեն, այո, պետք է երկաթե մանդատը հիմա օգտագործվի, ինչքան արագ օգտագործվի, այնքան շահեկան դուրս կգանք»,- նշեց Մելքոնյանը:
Մանրամասները՝ տեսանյութում:
