11.10.2026 | 11:22
Երևանի 4 վարչական շրջաններում և Արարատի մարզի գյուղերում մինչև 36 ժամ ջուր չի լինի
Դանակահարել էր էլեկտրիկին. Արարատի ոստիկանների բացահայտումը
Հասարակություն
13.12.2021 | 14:21
Դեկտեմբերի 9-ին Արարատ քաղաքում դանակահարություն է եղել։ «Վեդի» բժշկական կենտրոնից մարմնական վնասվածքի վերաբերյալ հաղորդումը ոստիկանության Արարատի բաժնում ստացվել է ժամը 13.30-ի սահմաններում. հերթապահ քույրը հայտնել է, որ կրծքավանդակի հետին մակերեսի ծակած-կտրած վերքերով 53-ամյա տղամարդ է բուժօգնության տեղափոխվել․ տեղեկացնում են ՀՀ ոստիկանությունից։
Տուժողը փակ բաժնետիրական ընկերություններից մեկի Արարատ քաղաքի մասնաճյուղում էր աշխատում և հենց ընկերության շենքում էլ տեղի է ունեցել դանակահարությունը։ Դեպքի վայրի զննությամբ, նաև օպերատիվ հարցումների արդյունքում քրեական հետախույզները պարզել են ոչ միայն բացահայտման համար անհրաժեշտ մի շարք հանգամանքներ, այլև կասկածյալի ինքնությունը։ Նա տուժողի անմիջական պետն է՝ Վեդիի բնակիչ, 33 տարեկան. շենքի երրորդ հարկում վիճել է էլեկտրիկի հետ ու դանակահարել նրան։ Բացատրական աշխատանքի շնորհիվ նույն օրը կասկածվողը ներկայացել է ոստիկանության Արարատի բաժին՝ բերելով նաև դանակը։ 33-ամյա տղամարդը խոստովանական բացատրություն է տվել։
