11.10.2026 | 18:49
Թրամփը կրկին հայտարարել է, որ Ռուսաստանն ու Ուկրաինան համաձայնության են եկել էներգետիկ հրադադարի շուրջ
Հանրային պաշտպանը Գորիի հիվանդանոցում այցելել է Միխեիլ Սաակաշվիլիին
Քաղաքականություն
12.12.2021 | 17:45
Այսօր բժիշկների խմբի հերթական այցն է Միխեիլ Սաակաշվիլիի մոտ : Նա բուժզննում է անցնելու ։ Նաև բժիշկները կծանոթանան բժշկական փաստաթղթերին և հետագայում, ավանդաբար, կլինի նրանց եզրակացությունն ու առաջարկությունները բուժման կամ իրականացվելիք բուժման վերաբերյալ»,- Գորի հիվանդանոց մտնելուց առաջ ասաց հանրային պաշտպան Նինո Լոմջարիան։ Այս մասին հայտնում է Վրաստանի առաջին ալիքը։
Նինո Լոմջարիայի խոսքով՝ Հանրային պաշտպանի գրասենյակը հիմնվում է Միխեիլ Սաակաշվիլիի առողջական վիճակի վերաբերյալ ստեղծված խորհրդի եզրակացությունների վրա։
«Հանրային պաշտպանը հիմնվում է իր կամ իմ բժիշկների խորհրդի եզրակացությունների վրա, ուստի բժշկական գնահատականներ և առաջարկություններ անելիս մենք հիմնվելու ենք այս խմբի որոշումների և եզրակացությունների վրա։ Իհարկե, մենք տեղյակ կլինենք այլընտրանքային եզրակացությունների մասին, բայց մենք կգործենք մեր գնահատականներով»,- ասել է Լոմջարիան։
Բացի այդ, ըստ հանրային պաշտպանի, այսօր նյարդաբանի հետ Միխեիլ Սաակաշվիլիին կայցելի հոգեբույժ։
«Վերջին այցելությունից հետո մենք առաջարկություններ արեցինք, և առաջարկներից մեկն այն էր, որ հիվանդի կառավարման և բուժման մեջ ցանկալի է ներգրավել հոգեբույժի և հոգեբանի, քանի որ որոշակի սթրես կար։ Նաև այլընտրանքային փորձագետների, իրավաբանների և անձնական բժիշկների կողմից բարձրաձայնվեց, որ այս ոլորտում կան որոշակի խնդիրներ, ուստի հարկ համարեցինք ավելացնել համապատասխան փորձաքննություն այս ոլորտում։ Հոգեբույժն այսօր կաշխատի նյարդաբանի հետ՝ գնահատելու ցանկացած մտահոգություն, որը բարձրացվել է նրանց միջև դեղաչափի վերաբերյալ: Այդ թվում՝ իրականացվել են արդյոք հոգեսոցիալական թերապիայի վերաբերյալ մեր կողմից տրված առաջարկությունները։ Կարծում եմ՝ այսօր ավելի լիարժեք կգնահատենք պատկերը»,- ասաց Լոմաջրիան։
